Падзеі, факты, анонсы

Расіянін Міхаіл Каляда лідзіруе пасля кароткай праграмы на ЧЕ ў Мінску

24 студзеня, Мінск /Кар. БЕЛТА/. Расійскі спартсмен Міхаіл Каляда лідзіруе пасля кароткай праграмы мужчынскага адзіночнага катання на чэмпіянаце Еўропы ў Мінску. За сваё выступленне ён атрымаў ад суддзяў 100,49 бала, перадае карэспандэнт БЕЛТА.

На другой пазіцыі размясціўся яго партнёр па камандзе Аляксандр Самарын (91,97 бала). Трэцім ідзе іспанскі фігурыст, шасціразовы чэмпіён Еўропы Хаўер Фернандэс (91,84 бала).

Беларус Якаў Зянько размясціўся на 30-м месцы (56,38 бала).

Свабодную праграму мужчыны адкатаюць у суботу, 26 студзеня. Па яе выніках і будуць разыграны медалі ў мужчынскім адзіночным катанні.

Заўтра, 25 студзеня, на лёд "Мінск-Арэны" выйдуць танцавальныя пары, у тым ліку беларусы Ганна Кублікава і Юрый Гуліцкі.

Завершыцца кантынентальны форум 27 студзеня маштабным гала-паказам.

версія для друку

зрабіць стартавай

дабавіць у выбранае