У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

19 Май 2015

Рамесныя традыцыі прадставяць на "Славянскім базары" майстры з шасці краін

19 мая, Віцебск /Кацярына Князева - БЕЛТА/. Рамесныя, абрадавыя, лялечныя, тэатральныя і іншыя народныя традыцыі прадставяць на "Славянскім базары ў Віцебску" майстры з Беларусі, Расіі, Украіны, Літвы, Латвіі і Славакіі, паведамілі карэспандэнту БЕЛТА ў Віцебскім абласным метадычным цэнтры народнай творчасці.

Вулічная праграма фестывалю ў бягучым годзе будзе асабліва шырока прадстаўлена работай рамеснікаў, акцёраў і мастацкіх калектываў, музыкантаў на некалькіх пляцоўках у цэнтры горада. Па вул. Пушкіна будзе арганізаваны традыцыйны кірмаш рамёстваў "Горад майстроў" і пройдзе абласны конкурс гульнявых праграм для жыхароў і гасцей Віцебска.

Кожны дзень на плошчы Свабоды плануюцца выступленні і прэзентацыі. З 9 па 13 ліпеня ўсе раёны паўночнага рэгіёна Беларусі прадставяць у творчай форме свае брэнды на свяце "Рознакаляровая Віцебшчына". Таксама адбудзецца абласное свята ручніка "Ручнік - як лёс", "Свята дружбы", фестываль "Іграй, гармонь", падвядзенне вынікаў і закрыццё конкурсу па вырабе лялек і цацак "Забава-2015". Акрамя таго, тры раёны Віцебшчыны прэзентуюць знакавыя мерапрыемствы: "Дняпроўскія галасы ў Дуброўне", "Звіняць цымбалы і гармонік", "Браслаўскія зарніцы" - на свяце "Фестывалі - фестывалю".

У час фэсту вулічнага мастацтва "На сямі вятрах" на некалькіх пляцоўках Віцебска пройдуць вулічныя паказы, тэатралізаванае шэсце, выступленні батлеечных калектываў з рэгіёнаў. Словам, уся шматколернасць талентаў і гістарычнай творчай спадчыны славянскіх народаў будзе радаваць гасцей форуму кожны фестывальны дзень.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс
Еўрапейскія гульні-2019 у Мінску