Падзеі, факты, анонсы

Прадстаўнікі НАК Беларусі прынялі ўдзел у Еўрапейскім вечары спорту ў Бруселі

Фота НАН Беларусі

19 лістапада, Мінск /Кар. БЕЛТА/. Прадстаўнікі Нацыянальнага алімпійскага камітэта прынялі ўдзел у VII Еўрапейскім вечары спорту ў Бруселі, паведамілі БЕЛТА ў прэс-службе НАК.

Мерапрыемства наведалі генеральны сакратар НАК, член камісіі ЕС і міжнародных адносін Еўрапейскіх алімпійскіх камітэтаў (ЕАК) Ксенія Санковіч і прэс-сакратар НАК, член камісіі па камунікацыях ЕАК Паліна Ігнаценка. Усяго на сустрэчу былі запрошаны амаль 300 удзельнікаў з 49 краін кантынента. Вечар спорту - магчымасць абмяняцца думкамі і вопытам з лідарамі і прадстаўнікамі алімпійскага руху, у тым ліку з членамі камісій ЕАК.

У якасці асноўнага дакладчыка мерапрыемства з прамовай да прысутных звярнулася прэзідэнт Міжнароднага алімпійскага камітэта Кірсці Ковентры. "Мы ведаем, што спорт прыносіць грамадству рэальную карысць. Даследаванні паказалі, што спорт - гэта самы эфектыўны і пры гэтым недарагі інструмент, які ў нас ёсць. Ён умацоўвае адукацыю, падтрымлівае супольнасці, паляпшае здароўе і садзейнічае інклюзіўнасці", - адзначыла кіраўнік МАК.

версія для друку

зрабіць стартавай

дабавіць у выбранае