Падзеі, факты, анонсы
Посуд, вітражы і сувеніры майстэрняў Ella прадстаўлены на выстаўцы ў Мінску
12 жніўня, Мінск /Вікторыя Апанасёнак - БЕЛТА/. Падарачны посуд, вітражы і іншыя мастацкія вырабы ручной работы майстэрняў Ella пры Свята-Елісавецінскім манастыры прадстаўлены на выстаўцы "Цяпло душы" ў Мастацкай галерэі Міхаіла Савіцкага, паведаміла карэспандэнту БЕЛТА арганізатар мерапрыемства Наталля Янкоўская.
Як адзначыла Наталля Янкоўская, у продажы работы з фарфору, керамікі і шкла знаходзяцца пастаянна, а ў фармаце экспазіцыі іх яшчэ не прадстаўлялі.
Сродкі ад рэалізацыі вырабаў ручной работы майстэрняў Свята-Елісавецінскага манастыра накіроўваюцца на ўтрыманне рэабілітацыйна-працоўных майстэрняў, а таксама на ўтрыманне агульнаадукацыйнай школы з праваслаўным ухілам і будаўніцтва храма.
Вітражная майстэрня Ella Glass першапачаткова займалася вітражамі для ўпрыгажэння храма, але хутка з'явілася неабходнасць далейшага развіцця. Узнікла ідэя зрабіць калядныя сувеніры са шкла. Абсталяванне майстэрні дае магчымасць эксперыментаваць з тэмпературай, фактурай і рознымі спалучэннямі матэрыялаў. Сярод усёй разнастайнасці тэхнік выканання вырабаў у асноўным прымяняюць ф'юзінг - гэта тэхналогія плоскага запякання шкла. Яна дае магчымасць адысці ад абмежаванняў у палітры каляровага шкла. Усе вырабы выкананы ўручную і абпалены ў печы пры 720-880 градусах.
"Мы можам рабіць вітраж поўнасцю з дробных частак, у якім няма ніводнага суцэльнага кавалка. У гэтым і ёсць яго каштоўнасць. Многія замежныя майстры прыязджаюць да нас, каб азнаёміцца з тэхнікай", - падкрэсліў адзін з кіраўнікоў майстэрні Юрый Малаткоў.
Прадукцыя майстэрні
Ella Ceramica шырока вядома сярод паклоннікаў і знатакоў керамікі. Фарфоравыя вырабы знаходзяцца ў прыватных калекцыях Беларусі, Расіі, Польшчы, Францыі, Германіі, Вялікабрытаніі.Выстаўка, на якой можна ўбачыць падарачны посуд, вітражы і іншыя мастацкія вырабы ручной работы
Ella Ceramica і Ella Glass, будзе працаваць да 18 верасня.
версія для друку
зрабіць стартавай
дабавіць у выбранае