Падзеі, факты, анонсы

Першынство Беларусі па біятлоне стартавала ў Раўбічах

Фота з архiва

28 студзеня, Мінск /Кар. БЕЛТА/. На базе РЦАП па зімовых відах спорту "Раўбічы" стартавала адкрытае першынство Рэспублікі Беларусь па біятлоне, паведамляе карэспандэнт БЕЛТА.

Праграму спаборніцтваў адкрылі спрынтарскія гонкі сярод спартсменаў не старэйшых за 21 год. У спрынце ў юніёраў перамогу атрымаў прадстаўнік Мінскай вобласці Глеб Арлоўскі, серабро заваяваў Аляксандр Галяк са сталіцы, трэцяе месца заняў Андрэй Гаўрош (Гродзенская вобласць). У юніёрак лепшы рэзультат паказала Аліна Зайцава з Віцебскай вобласці, у тройку прызёраў увайшлі ўдзельніцы бягучага сезона Кубка Садружнасці мінчанка Ганна Песцерава і Алена Кулак (Мінская вобласць).

Таксама ў аўторак адбыліся індывідуальныя гонкі ў юнакоў і дзяўчат да 18 гадоў, залатыя медалі па выніках якіх выйгралі Аляксандр Шыкун (Мінск) і Ульяна Каморнікава (Мінская вобласць). Заўтра біятланісты старэйшай узроставай катэгорыі вызначаць лепшых у гонках праследавання, малодшыя спартсмены выйдуць на старт спрынтаў. 31 студзеня юніёры і юніёркі разыграюць медалі ў мас-стартах, а юнакі і дзяўчаты - у пасьютах.

версія для друку

зрабіць стартавай

дабавіць у выбранае