Фота БДУ
6 верасня, Мінск /Кар. БЕЛТА/. Першакурснікі факультэта прыкладной матэматыкі і інфарматыкі Белдзяржуніверсітэта заваявалі 4 медалі на міжнароднай алімпіядзе школьнікаў па інфарматыцы (IOI2018), якая завершыцца 7 верасня ў горадзе Цукуба (Японія), паведамілі БЕЛТА ў прэс-службе ВНУ.
Залатымі прызёрамі сталі выпускнік гімназіі нумар 2 Магілёва Аляксандр Кернажыцкі і выпускнік Лунінецкай сярэдняй школы нумар 2 Андрэй Некрашэвіч. Серабро зборнай Беларусі прынеслі выпускнік Гомельскай гімназіі нумар 5 Станіслаў Ціцянок і выпускнік віцебскай гімназіі нумар 1 Марк Карнейчык.
"Гэта самы лепшы рэзультат беларусаў за ўвесь час выступленняў на міжнародных алімпіядах па інфарматыцы, што дало ім магчымасць заняць чацвёртае каманднае месца, падзяліўшы яго са зборнай Расіі. Першага месца ўдастоены інфарматыкі з Кітая", - праінфармавалі ў БДУ.
Усяго Алімпіяда прыняла больш за 900 удзельнікаў з 88 краін свету. На працягу двух дзён школьнікам неабходна было вырашыць тры заданні і на іх базе распрацаваць праграму па выкананні канкрэтнай задачы. На кожную адводзілася па 5 гадзін. Цырымонія ўзнагароджання пераможцаў пройдзе 7 верасня.