Падзеі, факты, анонсы

19 Ліп 2021

Перад стартам Алімпіяды Арына Сабаленка займае 3-е месца ў рэйтынгу Жаночай тэніснай асацыяцыі

Арына Сабаленка. Фота НАК Беларусі

19 ліпеня, Мінск /Кар. БЕЛТА/. Перад стартам Алімпійскіх гульняў у Токіа лепшая беларуская тэнісістка Арына Сабаленка застаецца трэцяй ракеткай свету, паведамляе карэспандэнт БЕЛТА.

На мінулым тыдні Арына Сабаленка не гуляла, у яе актыве па-ранейшаму 6962 ачкі. Экс-першая ракетка планеты Вікторыя Азаранка займае 14-ю пазіцыю ў рэйтынгу Жаночай тэніснай асацыяцыі (WTA), маючы 3645 балаў. На мінулым тыдні яна аб'явіла, што не зможа выступіць на такійскай Алімпіядзе.

Топ-10 рэйтынгу WTA:

1. Эшлі Барці (Аўстралія) - 9635 ачкоў;

2. Наомі Осака (Японія) - 7336;

3. Арына Сабаленка (Беларусь) - 6965;

4. Сафія Кенін (ЗША) - 5640;

5. Б'янка Андрэеску (Канада) - 5331;

6. Эліна Світоліна (Украіна) - 5125;

7. Караліна Плішкава (Чэхія) - 4975;

8. Іга Свёнтак (Польшча) - 4695;

9. Гарбін'е Мугуруса (Іспанія) - 4165;

10. Сімона Халеп (Румынія) - 4115.

У мужчынскім тэнісным алімпійскім турніры прымуць удзел два беларускія тэнісісты, якія ўваходзяць у першую сотню рэйтынгу Асацыяцыі тэнісістаў-прафесіяналаў (АТР). Ілья Івашка знаходзіцца на 66-м радку (1038 ачкоў), у Ягора Герасімава 79-е месца (926).

Першая дзясятка рэйтынгу АТР:

1. Новак Джокавіч (Сербія) - 12 113 ачкоў;

2. Данііл Мядзведзеў (Расія) - 10 370;

3. Рафаэль Надаль (Іспанія) - 8270;

4. Стэфанас Цыцыпас (Грэцыя) - 8030;

5. Аляксандр Звераў (Германія) - 7340;

6. Дамінік Цім (Аўстрыя) - 7340;

7. Андрэй Рублёў (Расія) - 6005;

8. Матэа Берэціні (Італія) - 5488;

9. Роджэр Федэрэр (Швейцарыя) - 4215;

10. Дзяніс Шапавалаў (Канада) - 3625.

Тэнісны алімпійскі турнір пройдзе ў Токіа з 24 ліпеня па 1 жніўня.