У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

3 Ліс 2016

Пазаконкурсная праграма прадставіць работы беларускіх рэжысёраў на "Лістападзе-2016"

3 лістапада, Мінск /Кар. БЕЛТА/. Пазаконкурсная праграма "Беларуская панарама" прадставіць работы айчынных рэжысёраў на "Лістападзе-2016", паведамілі БЕЛТА арганізатары кінафоруму.

Вынесеная за дужкі конкурсу нацыянальнага кіно гэта праграма ўключае 6 карцін: ігравы "Май" рэжысёра Аляксея Свірскага і дакументальныя фільмы. У іх ліку "Некалькі сцэн з маёй дзяўчынай Волечкай Кавалёвай" рэжысёра Мікіты Лаўрэцкага, чыя работа "Беларускі псіхапат" стала пераможцам конкурсу нацыянальнага кіно ў намінацыі "Лепшы мастацкі фільм" у мінулым годзе. Заяўлены таксама работы Арцёма Лобача "Беларускiя песні: традыцыя адлегласцi", Волі Дземка "Песнi старой Еуропы - старажытныя беларускiя народныя песнi", "Мой родны кут" рэжысёра Дзмітрыя Зайцава і "Дзэн-аўтамабілізм" Дзмітрыя Андрушына.

Асноўная праграма конкурсу нацыянальнага кіно пройдзе па трох намінацыях: ігравое кіно, дакументальнае кіно і анімацыя. Усяго 24 работы будуць аспрэчваць першынство на прызы: "За лепшы мастацкі фільм", "За лепшы дакументальны фільм", "За лепшы анімацыйны фільм", а таксама дыпломы. У намінацыі "Дакументальнае кіно" будзе прадстаўлена 9 работ беларускіх кінематаграфістаў, у анімацыі 5, у намінацыі "Ігравое кіно" будуць спаборнічаць 10 карцін.

Журы конкурсу нацыянальнага кіно ўзначаліць Наталля Дрозд, якая з'яўляецца расійскім арганізатарам прадзюсарскага адукацыйнага курса B’EST, з 2013 года выканаўчы дырэктар фонду P.O.V. - прыватнага фонду, падтрымліваючага развіццё (дэвелапмент) ко-прадукцыйных праектаў. У складзе журы таксама Артур Клінаў (Беларусь) і прадзюсар, рэжысёр, член Еўрапейскай кінаакадэміі Крысцін Камдэсю (Францыя).

Нацыянальны конкурс праводзіцца ўжо трэці раз і яго мэта - увесці беларускае кіно ў кантэкст сусветнай кінаіндустрыі. Гэта своеасаблівая дэманстрацыйная пляцоўка, дзе беларускія аўтары могуць прадставіць свае фільмы шырокай публіцы і атрымаць ацэнку прафесіяналаў высокага ўзроўню.

XXIII Мінскі міжнародны кінафестываль "Лістапад" пройдзе з 4 па 11 лістапада. Дырэкцыя галоўнай кінападзеі года - Цэнтр візуальных і выканальніцкіх мастацтваў "АРТ Карпарэйшн". Арганізатарамі форуму выступаюць Міністэрства культуры Беларусі, Мінскі гарвыканкам пры ўдзеле Белтэлерадыёкампаніі, Нацыянальнай кінастудыі "Беларусьфільм", Беларускага саюза кінематаграфістаў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс