Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

9 Jul 2020

Падораны Брэсту арыгінал Радзівілаўскай Бібліі плануюць перавесці ў лічбавы фармат

Падораны Брэсту арыгінал Радзівілаўскай Бібліі плануюць перавесці ў лічбавы фармат
Фота з архiва

9 ліпеня, Брэст /Кар. БЕЛТА/. Арыгінал Брэсцкай, або так званай Радзівілаўскай Бібліі, які захоўваецца ў Музеі гісторыі горада Брэста, плануюць перавесці ў лічбавы фармат. Аб гэтым карэспандэнту БЕЛТА паведаміла дырэктар музея Святлана Тамчук.

"Нацыянальная бібліятэка Беларусі дала дабро на перавод у лічбавы фармат нашай Бібліі, - расказала Святлана Тамчук. - Арыгінал выдання пагартаць нельга, таму пажадана, каб рарытэты былі ў лічбавым варыянце. Гэта дасць магчымасць усім жадаючым, у тым ліку вучоным, даследаваць кнігу".

Рэліквія вярнулася ў Брэст у верасні мінулага года. Унікальны экзэмпляр Бібліі жыхарам абласнога цэнтра падарыў кіраўнік дзяржавы на ўрачыстым мерапрыемстве, прысвечаным тысячагоддзю горада. Упершыню шырокай публіцы кнігу прэзентавалі ў студзені гэтага года. Рарытэт быў выстаўлены на непрацяглы час. Цяпер у брастаўчан і турыстаў зноў з'явілася магчымасць убачыць рэдкі экспанат. Гэта падарунак да Дня вызвалення горада, які абласны цэнтр адзначыць 28 ліпеня.

Біблія з'явілася ў 1563 годзе ў Брэсцкай друкарні па ініцыятыве і на сродкі Мікалая Радзівіла Чорнага. Унікальнасць экзэмпляра ў тым, што ў ім захаваліся два гравіраваныя тытульныя лісты для Старога і Новага Запаветаў. Кніга ўпрыгожана шматлікімі гравюрамі, вялікімі літарамі.

У музеі гісторыі Брэста налічваецца больш як 4 тыс. прадметаў з XVI стагоддзя да сучаснасці.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі