Падзеі, факты, анонсы
Нікас Сафронаў правядзе ў Мінску аўкцыён карцін, спецыяльна напісаных да ЧС па хакеі
27 сакавіка, Мінск /Кар. БЕЛТА/. Нікас Сафронаў правядзе ў Мінску аўкцыён сваіх карцін, напісаных спецыяльна да ЧС па хакеі. Сваімі планамі расійскі мастак падзяліўся сёння на прэс-канферэнцыі, паведамляе карэспандэнт БЕЛТА.
Нікас Сафронаў прыляцеў у Мінску для прэзентацыі сваёй выстаўкі ў Мастацкай галерэі Міхаіла Савіцкага - работы мастака прадстаўлены ў беларускай сталіцы ўпершыню. Да завяршэння праекта (5 мая. - Заўвага БЕЛТА) майстар і Антыкварна-аўкцыённы дом вырашылі падрыхтаваць беларусам сюрпрыз - правесці продаж часткі палотнаў. Гэта будзе аўкцыён карцін, прысвечаных хакейнаму першынству. "Я вярнуся ў Маскву і адразу ж пачну работу. Лічу, што спачатку зраблю адну карціну. Потым, калі зразумеем, што ёсць кліенты, буду рабіць больш", - сказаў Нікас Сафронаў.
Мастак таксама расказаў, што стварыў 10 карцін, звязаных з тэматыкай Алімпіяды ў Сочы, частку з якіх ужо набылі. Галоўную работу купілі для прэзідэнта Расіі Уладзіміра Пуціна.
Нікас Сафронаў знаходзіцца ў Мінску ўсяго адзін дзень. Ён паведаміў, што ўжо атрымаў у падарунак кнігу
У размове з журналістамі Сафронаў прызнаўся, што не ўмее карыстацца Інтэрнэтам - неабходную інфармацыю ён атрымлівае ад сакратароў, у час прагляду навін і чытання перыёдыкі ў самалётах. Разам з тым мастак паскардзіўся на вялікую колькасць яго двайнікоў у Інтэрнэце. "Хтосьці з дзяўчатамі знаёміцца, хтосьці малюе. Адзін з іх нават цынічна пісаў, што стаміўся мне даказваць, што ён і ёсць сапраўдны Нікас", - адзначыў мастак. Аднойчы яго карціны нават адмовіліся выстаўляць на аўкцыёне
Мастак расказаў, што яму раілі розныя спосабы, як абазначыць прыналежнасць палатна, напрыклад, замест аўтографа маляваць самога сябе ў зменшаным варыянце, прыклейваць валасы, ставіць нябачныя спецыяльныя знакі. Цяпер мастак складае каталог, дзе на кожнай яго рабоце будзе прастаўлена спецыяльная пячатка з нумарам.
версія для друку
зрабіць стартавай
дабавіць у выбранае| Пн | Аўт | Сер | Чцв | Пт | Сб | Нядз |
|---|---|---|---|---|---|---|
