Падзеі, факты, анонсы
Інфармсавет СНД пройдзе ў Мінску 8 чэрвеня
8 чэрвеня, Мінск /Кар. БЕЛТА/. Савет кіраўнікоў дзяржаўных інфармацыйных агенцтваў краін СНД пройдзе ў Мінску 8 чэрвеня на X Беларускім міжнародным медыяфоруме "Парнёрства ў імя будучыні: спадчына Вялікай Перамогі", паведамляе БЕЛТА.
Інфармсавет СНД быў створаны 3 лістапада 1995 года пагадненнем урадаў дзяржаў - удзельніц СНД. Цяпер членамі Інфармсавета з'яўляюцца кіраўнікі дзяржаўных інфармацыйных агенцтваў Азербайджана (АзерТАдж), Арменіі (Арменпрэс), Беларусі (БелТА), Казахстана (Казінфарм), Кыргызстана (Кабар), Малдовы (Малдпрэс), Расіі (ТАСС) і Таджыкістана (Ховар).
Старшынёй Інфармсавета СНД з'яўляецца генеральны дырэктар Інфармацыйнага агенцтва Расіі ТАСС Сяргей Міхайлаў.
Сярод асноўных задач Інфармсавета - распрацоўка рэкамендацый дзяржаўных інфармацыйных агенцтваў па стварэнні найбольш спрыяльных умоў для бесперашкоднага распаўсюджвання інфармацыі, арганізацыя абмену вопытам прафесійнай дзейнасці, выпрацоўка рэкамендацый па выкананні прынятых рашэнняў па пытаннях супрацоўніцтва ў інфармацыйнай сферы, садзейнічанне развіццю інфармацыйных тэлекамунікацый і сувязі дзяржаў - удзельніц СНД.
версія для друку
зрабіць стартавай
дабавіць у выбранае