Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

26 Май 2016

Нашчадак французскіх каралёў прыедзе на адкрыццё выстаўкі сукенак ад куцюр у Мірскім замку

26 мая, Мінск /Кар. БЕЛТА/. Нашчадак французскай каралеўскай сям'і Бурбонаў прынцэса Таня дэ Бурбон Пармская прыбудзе ў Беларусь на адкрыццё сумеснай франка-беларускай выстаўкі прыкладных мастацтваў "Mir Couture" ў Мірскім замку. Аб гэтым БЕЛТА паведамілі арганізатары ўнікальнай экспазіцыі.

Сумесная франка-беларуская выстаўка вячэрняй і вясельнай сукенкі афіцыйна адкрыецца 16 чэрвеня. Публіцы будуць прадстаўлены 15 унікальных вобразаў у выкананні мэтра тонкай вышыўкі і шоўку з Францыі Дэні Дзюрана, дапоўненых аксесуарамі беларускага эксперыментатара Апці Эзіева і ювелірнымі ўпрыгажэннямі аднаго з брэндаў. Асновай вясельнага ўбору ў калекцыі стане палатно ручнога ткацтва на аснове шаўковай ніткі.

У сувязі з правядзеннем вернісажу ў Беларусь прыедзе пасол моднага дома Denis Durand Atelier прынцэса Таня дэ Бурбон Пармская. Яна азнаёміцца са спадчынай знакамітай княжацкай сям'і Радзівілаў, а таксама стане спецыяльнай госцяй адкрыцця міжнароднай выстаўкі "Mir Couture" з удзелам куцюр'е Дэні Дзюрана, з якім каралеўскую асобу звязваюць доўгія гады сяброўства і супрацоўніцтва.

Спачатку планавалася, што выстаўка пачне працаваць 3 чэрвеня, аднак, атрымаўшы згоду высокай госці наведаць Беларусь, арганізатары прынялі рашэнне аб пераносе адкрыцця на 16 чэрвеня. Такім чынам, для шырокай публікі экспазіцыя стане даступнай з 17 чэрвеня і будзе знаходзіцца ў Мірскім замку да канца летняга сезона.

Таня дэ Бурбон Пармская не проста вядомая асоба ў Францыі, яна па праву лічыцца адной з захавальніц традыцый высокай культуры каралеўскай сям'і. Прынцэса з'яўляецца заснавальніцай і прэзідэнтам Асацыяцыі па пашырэнні мастацтва ў свет бізнесу, заснавальніцай тэматычнай прэміі, ініцыятарам майстар-класаў па навучанні класічным стандартам арганізацыі і прыёму гасцей як неад'емнай часткі французскай культуры. Яна рэгулярна падтрымлівае культурныя і дабрачынныя ініцыятывы, з'яўляецца актыўным дзеячам грамадскага жыцця Францыі.

Арганізатарамі франка-беларускага праекта ў сферы высокай моды выступілі ТАА "Франс Груп", замкавы комплекс "Мір" пры падтрымцы пасольства Францыі ў Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі