У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

13 Стд 2016

На "Славянскім базары" адзначаць 75-годдзе з дня нараджэння Уладзіміра Мулявіна

13 студзеня, Віцебск /Алёна Ціханава - БЕЛТА/. На XII Міжнародным фестывалі мастацтваў "Славянскі базар у Віцебску" будзе шырока адзначацца 75-годдзе з дня нараджэння народнага артыста СССР і Беларусі Уладзіміра Мулявіна. Аб гэтым 13 студзеня паведаміў журналістам дырэктар форуму, кіраўнік Сусветнай асацыяцыі фестываляў (САФ) Аляксандр Сідарэнка, перадае карэспандэнт БЕЛТА.

"На фестывалі запланавана правядзенне адразу некалькіх мерапрыемстваў - гэта будзе тэатральная пастаноўка, спецыяльны юбілейны канцэрт, тэматычная выстаўка. Тэма юбілею Уладзіміра Мулявіна будзе адлюстравана і ў канцэрце ўрачыстага адкрыцця форуму мастацтваў", - растлумачыў Аляксандр Сідарэнка.

Гаворачы ў цэлым аб праграме, ён падкрэсліў, што ў сувязі з правядзеннем у Беларусі Года культуры і многімі юбілейнымі датамі тэма нацыянальнай культуры будзе прадстаўлена вельмі шырока. Але разам з тым на юбілейным фестывалі будзе дастаткова месца і для іншых краін. "Я нядаўна вярнуўся з Грузіі. Ідзе падрыхтоўка мемарандума аб супрацоўніцтве ў галіне культуры, і першым крокам тут можа стаць канцэрт майстроў мастацтваў Грузіі на "Славянскім базары". Хутчэй за ўсё, мы пачуем мужчынскі грузінскі хор, магчыма, гэта будзе буйны дзяржаўны ансамбль", - сказаў ён. Зацікаўленасць у правядзенні на фестывалі ў Віцебску дня культуры праяўляе таксама Казахстан, некаторыя іншыя дзяржавы.

"У сувязі з 25-годдзем "Славянскага базару" мы ўносілі прапановы аб запрашэнні на форум кіраўнікоў розных дзяржаў. Ёсць такія краіны, без якіх нельга прадставіць наш форум. Гэта Расія, той жа Казахстан, можа, і кіраўніцтва Украіны задумаецца над тым, што можна аднавіць практыку шырокага ўдзелу ў форуме, таму што ніякія калізіі і негатыўныя працэсы не павінны ўплываць на культурныя сувязі", - перакананы Аляксандр Сідарэнка.

Цяпер у розных краінах праводзяцца адборачныя туры сярод вакалістаў, якія прэтэндуюць на ўдзел у фестывальных конкурсах. "На Кубе адбор прайшоў ужо, і ў ім прынялі ўдзел не толькі ўраджэнцы Кубы, але і прадстаўнікі некаторых іншых краін. У гэтым годзе ў нас будуць канкурсанты з краін, якія раней ніколі не прымалі ўдзел у фестывалі", - сказаў кіраўнік форуму.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс