Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

26 Jun 2018

На Рэспубліканскую дошку Гонару будуць занесены 64 пераможцы спаборніцтва за 2017 год

26 чэрвеня, Мінск /Аліна Грышкевіч - БЕЛТА/. Прэзідэнт Беларусі Аляксандр Лукашэнка 26 чэрвеня падпісаў указ нумар 255 "Аб занясенні на Рэспубліканскую дошку Гонару пераможцаў спаборніцтва за 2017 год". Аб гэтым БЕЛТА паведамілі ў прэс-службе беларускага лідара.

Да занясення на Рэспубліканскую дошку Гонару вызначаны 64 пераможцы спаборніцтва ў адпаведных намінацыях сярод абласцей і горада Мінска, раёнаў, гарадоў (раёнаў у гарадах), арганізацый усіх форм уласнасці.

У прыватнасці, за дасягненне найлепшых паказчыкаў у сферы сацыяльна-эканамічнага развіцця вызначаны 44 пераможцы, у тым ліку лепшымі прызнаны: сярод абласцей і Мінска - Мінская вобласць і Мінск; сярод раёнаў - Астравецкі раён Гродзенскай вобласці і Глыбоцкі раён Віцебскай вобласці; сярод гарадоў і раёнаў у гарадах - Гродна і Жодзіна.

Па эканоміі рэсурсаў названы 20 пераможцаў, у тым ліку лепшымі сярод абласцей названа Мінская вобласць; сярод раёнаў - Чэрвеньскі раён Мінскай вобласці і Нараўлянскі раён Гомельскай вобласці; сярод гарадоў і раёнаў у гарадах - Фрунзенскі раён Мінска.

Занясенне на Рэспубліканскую дошку Гонару з'яўляецца грамадскім прызнаннем працы грамадзян і калектываў прадпрыемстваў, якія ўнеслі важкі ўклад у сацыяльна-эканамічнае развіццё і дабрабыт краіны.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі