У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

30 Ліп 2015

Міжнародны аркестр прадставіць сваю інтэрпрэтацыю Моцарта на фестывалі Башмета ў Мінску

 31 ліпеня, Мінск /Кар. БЕЛТА/. Вядомы інтэрпрэтатар Моцарта, легендарны венскі піяніст Паўль Бадура-Шкода прадставіць на юбілейным Х Міжнародным фестывалі Юрыя Башмета ў Мінску міжнародны калектыў East-West Chamber Orchestra пад кіраваннем свайго калегі - піяніста Расціслава Крымера. Аб гэтым БЕЛТА паведамілі арганізатары фестывалю.

Галоўная прэзентацыя фестывалю гэтага года - несумненна, калектыў East-West Chamber Orchestra. У склад аркестра, заснаванага Расціславам Крымерам, уваходзяць лепшыя артысты з Расіі, Беларусі, краін Балтыі, Германіі і іншых краін Заходняй і Усходняй Еўропы. Многія з іх з'яўляюцца канцэртмайстрамі, прафесарамі, лаўрэатамі прэстыжных міжнародных конкурсаў, салістамі і вядучымі музыкантамі вядомых сусветных калектываў. Гэты аркестр унікальны і па ўзроўні выканаўцаў, і па геаграфіі прадстаўленых краін.

Аркестр будзе афіцыйна прэзентаваны публіцы легендарным піяністам Паўлем Бадура-Шкода, у дуэце з якім Расціслаў Крымер выступае не адзін год, 3 кастрычніка на сцэне Вялікай залы філармоніі.

У праграме акрамя заяўленых твораў Моцарта прагучаць і сюрпрызы ад маэстра сольна і з аркестрам.

Галоўным здабыткам Паўля Бадура-Шкода з'яўляецца моцартаўскі рэпертуар. Сярод гістарычных запісаў з яго удзелам - санаты Моцарта для скрыпкі і фартэпіяна ў дуэце з Давідам Ойстрахам. Іншы вядомы дуэт Паўля Бадура-Шкода - з піяністам Ёргам Дэмусам, вынікам гэтага супрацоўніцтва стала акрамя шэрага запісаў сумесная кніга аб інтэрпрэтацыі фартэпіянных санат Бетховена.

Сумесна з жонкай Паўль Бадура-Шкода напісаў таксама кнігу "Інтэрпрэтацыя Моцарта". Менавіта па ёй навучалася не адно пакаленне музыкантаў Савецкага Саюза.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс