Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

3 Sep 2019

Міжнародная канферэнцыя па барацьбе з тэрарызмам пачынае работу ў Мінску

Міжнародная канферэнцыя па барацьбе з тэрарызмам пачынае работу ў Мінску

3 верасня, Мінск /Кар. БЕЛТА/. Міжнародная канферэнцыя высокага ўзроўню "Барацьба з тэрарызмам пры дапамозе інавацыйных падыходаў і выкарыстання новых і ўзнікаючых тэхналогій" праходзіць у Мінску 3-4 верасня з удзелам прадстаўнікоў каля 50 краін, паведамляе карэспандэнт БЕЛТА.

Сумеснае мерапрыемства па лініі Беларусь - ААН арганізавана Міністэрствам замежных спраў і Контртэрарыстычным упраўленнем Арганізацыі Аб'яднаных Нацый. Яно лагічна прадаўжае міжнародную сустрэчу высокага ўзроўню, якая была праведзена ў Мінску пад эгідай АБСЕ ў кастрычніку мінулага года.

На маштабным міжнародным форуме чакаецца прысутнасць 66 дэлегацый, у тым ліку прадстаўнікі 55 дзяржаў, а таксама міжнародныя, няўрадавыя арганізацыі і акадэмічныя колы.

Плануецца ўдзел генеральнага сакратара АБСЕ Томаса Грэмінгера, намесніка генеральнага сакратара - кіраўніка Контртэрарыстычнага ўпраўлення ААН Уладзіміра Варанкова, намесніка генеральнага сакратара, спецыяльнага саветніка генсакратара па падрыхтоўцы 75-годдзя ААН Фабрыцыа Хохшыльда, памочніка Генеральнага сакратара ААН па пытаннях Еўропы, Цэнтральнай Азіі і Амерыкі Міраслава Енча, памочніка Генеральнага сакратара ААН - выканаўчага дырэктара контртэрарыстычнага камітэта ААН Мішэль Конінкс, старшыні міжпарламенцкага саюза Габрыэлы Куэвас Барон, старшыні Выканкама - выканаўчага сакратара СНД Сяргея Лебедзева, дзяржсакратара МЗС Славакіі Лукаша Парызека, прадстаўнікоў кіраўніцтва МЗС Арменіі, Манголіі, Таджыкістана, сакратарыята і структур ААН, АДКБ, ШАС, ЮНЕСКА, Еўрапейскага саюза, кіраўніцтва контртэрарыстычных структур, службаў бяспекі і праваахоўных органаў шэрага краін.

Мэтай форуму стане абмеркаванне шматбаковых намаганняў і выпрацоўка рашэнняў на глабальным, рэгіянальным і нацыянальным узроўнях па барацьбе з тэрарыстамі і тэрарыстычнымі групамі ва ўмовах большай даступнасці і ўсё большай складанасці выкарыстоўваемых тэхналогій. Структурна канферэнцыя будзе падзелена на тры тэматычныя сесіі. На іх будуць разгледжаны пытанні прымянення тэрарыстамі новых тэхналогій і штучнага інтэлекту, абмеркаваны падыходы і стратэгіі процідзеяння тэрарыстычнай прапагандзе і неправамернаму выкарыстанню дасягненняў тэхналагічнага прагрэсу.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі