У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

9 Ліс 2017

Міжнароднае біенале "Леанарда-2017" сабрала ў Мінску маладых архітэктараў з 17 краін

9 лістапада, Мінск /Вера Сяргеева - БЕЛТА/. У VII Мінскім міжнародным біенале маладых архітэктараў "Леанарда" ўдзельнічаюць спецыялісты з 17 краін. Аб гэтым паведаміў старшыня Беларускага саюза архітэктараў Аляксандр Корбут сёння на адкрыцці XII Нацыянальнага фестывалю архітэктуры, перадае карэспандэнт БЕЛТА.

Міжнароднае біенале маладых архітэктараў "Леанарда-2017" - адзін з чатырох конкурсаў у праграме XII Нацыянальнага фестывалю архітэктуры. "Лічым гэты конкурс унікальным. Такіх міжнародных форумаў сярод маладых архітэктараў усяго тры-чатыры ў свеце. У Міжнародным саюзе архітэктараў ён мае вялікую падтрымку. У гэтым годзе ў біенале ўдзельнічаюць маладыя архітэктары з 17 краін, усяго больш за 120 праектаў. Узнагароджванне пераможцаў адбудзецца 11 лістапада", - сказаў Аляксандр Корбут.

Нацыянальны фестываль, які праходзіць з 9 па 11 лістапада ў Мінску ў Рэспубліканскай мастацкай галерэі (вул.Казлова, 3), прадугледжвае таксама ХVIII Рэспубліканскі конкурс на лепшы архітэктурны твор, які праводзіцца ў мэтах азнаямлення з архітэктурнымі творамі беларускіх архітэктараў. Архітэктараў-пачаткоўцаў запрашаюць да ўдзелу ў XI Рэспубліканскім конкурсе дыпломных праектаў выпускнікоў вышэйшых і сярэдніх спецыяльных архітэктурных школ Беларусі. Адбудзецца і V Рэспубліканскі мастацкі конкурс дзіцячага малюнка "Архітэктура роднага краю вачамі дзяцей". Форум прадугледжвае выстаўкі дызайнераў, скульптараў, манументалістаў, нацыянальных саюзаў архітэктараў краін блізкага і далёкага замежжа, а таксама майстар-класы, прэзентацыі фірм і праектных прадпрыемстваў, правядзенне семінараў, тэматычных канферэнцый, мэтавых форумаў з абмеркаваннем дасягненняў, праблем архітэктуры і горадабудаўніцтва апошніх гадоў.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс