У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

13 Врс 2018

Мірзіёеў падарыў Лукашэнку першы экзэмпляр зборніка вершаў Якуба Коласа на ўзбекскай мове

13 верасня, Ташкент /Міхаіл Маціеўскі - БЕЛТА/. Прэзідэнт Узбекістана Шаўкат Мірзіёеў пасля перагавораў з Прэзідэнтам Беларусі Аляксандрам Лукашэнкам уручыў кіраўніку беларускай дзяржавы першы экзэмпляр зборніка вершаў Якуба Коласа, перакладзеных на ўзбекскую мову, перадае карэспандэнт БЕЛТА.

Кніга ва Узбекістане была выпушчана зусім нядаўна. У зборнік, які назвалі "Родныя песні", увайшлі вядомыя творы беларускага паэта.

"Ён услаўляў падабенства нашых народаў, пісаў аб прыродзе Узбекістана, рысах узбекскага народа", - адзначыў Шаўкат Мірзіёеў.

Паводле яго слоў, Якуба Коласа ва Узбекістане вельмі любяць. Пасля адкрыцця яго бюста ў Ташкенце вялікая колькасць гараджан наведалі гэта месца і ўсклалі кветкі.

У сваю чаргу Аляксандр Лукашэнка падарыў Прэзідэнту Узбекістана кнігу "Беларусь і мусульманскі свет" і падзякаваў за ўвекавечанне ў сталіцы памяці Якуба Коласа.

"За тое, што вы помніце гэтага чалавека (гэта ўзор беларуса), які ўславіў у сваіх творах не толькі Беларусь, але і гэту зямлю, дзе ён быў, мы вам вельмі ўдзячныя", - падкрэсліў кіраўнік беларускай дзяржавы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс