Падзеі, факты, анонсы

Міністэрства аховы здароўя: у Беларусі ў 21 пацыента пацверджаны каранавірус, на момант ізаляцыі іх тэсты былі адмоўнымі

Фота з архiва

13 сакавіка, Мінск /Кар. БЕЛТА/. Ва ўстановах аховы здароўя Беларусі па стане на 12 сакавіка з лабараторна пацверджаным РНК COVID-19 знаходзіцца 21 пацыент. Аб гэтым БЕЛТА паведамілі ў прэс-службе Міністэрства аховы здароўя.

У Беларусі праводзіцца актыўны лабараторны кантроль грамадзян, у тым ліку тых, хто кантактаваў з прыехаўшымі з-за мяжы і быў ізаляваны ў рамках проціэпідэмічных мерапрыемстваў. "На момант ізаляцыі пацыентаў тэсты ў іх былі адмоўнымі - гэта значыць вірус яшчэ не выдзяляўся з арганізма. Ёсць перыяд, калі ўжо адбылося інфіцыраванне, але чалавек не з'яўляецца заразным. Тады яны не ўяўлялі небяспекі для асяроддзя, паколькі выдзяленне віруса ў навакольнае асяроддзе можа пачацца мінімум на трэці дзень", - растлумачылі ў прэс-службе. "Да гэтага моманту ўсе гэтыя людзі знаходзіліся пад медыцынскім наглядам, ні з кім не кантактавалі. Практычна ўсе пацыенты адчуваюць сябе здавальняюча, адзін знаходзіцца ў стане сярэдняй ступені цяжкасці", - дадалі ў Міністэрстве аховы здароўя.

Спецыялісты РНПЦ эпідэміялогіі і мікрабіялогіі правялі ўжо больш за 10,5 тыс. тэстаў на COVID-19.

Міністэрства аховы здароўя яшчэ раз звяртаецца з просьбай да ўсіх грамадзян, якія вяртаюцца ў краіну, абавязкова інфармаваць спецыялістаў, працуючых у зонах пагранічнага кантролю, аб тым, што вы пабывалі ў эпідэмічна нестабільных раёнах. Акрамя таго, Міністэрства аховы здароўя заклікае ўсіх прыязджаючых з-за мяжы па магчымасці першыя 14 дзён абмежаваць колькасць кантактаў. У выпадку з'яўлення рэспіраторнай інфекцыі трэба выклікаць хуткую дапамогу. Пры гэтым абавязкова неабходна  сказаць па тэлефоне, якія краіны наведвалі.

У прэс-службе нагадалі таксама, што першы пацыент, у якога ў Беларусі быў дыягнаставаны COVID-19, выпісаны 12 сакавіка з Мінскай інфекцыйнай бальніцы.

версія для друку

зрабіць стартавай

дабавіць у выбранае