Падзеі, факты, анонсы

Мінкультуры аб'явіла конкурсны адбор рэжысёрскіх канцэпцый "Славянскага базару ў Віцебску"

Фота з архiва

5 жніўня, Мінск /Кар. БЕЛТА/. Міністэрства культуры аб'явіла конкурсны адбор рэжысёрскіх канцэпцый (сцэнарных планаў) гала-канцэртаў адкрыцця і закрыцця, конкурсных праграм, паведамляе карэспандэнт БЕЛТА.

Для ўдзелу неабходна стварыць рэжысёрскую канцэпцыю або сцэнарны план гала-канцэртаў адкрыцця і закрыцця, конкурсную праграму XXXV Міжнароднага фестывалю мастацтваў "Славянскі базар у Віцебску", галоўнага канцэрта рэспубліканскага свята "Купалле" ("Александрыя збірае сяброў") і канцэрта "Саюзныя зоркі ў Александрыі" мерапрыемства Саюзнай дзяржавы "Саюзная дзяржава на Купаллі".

Да ўдзелу запрашаюць рэжысёраў-пастаноўшчыкаў тэатральна-відовішчных арганізацый і арганізацый культуры, студэнтаў і навучэнцаў устаноў адукацыі ў сферы культуры, маладых спецыялістаў, іншых асоб, якія маюць вопыт правядзення культурных мерапрыемстваў.

Вітаецца выкарыстанне новых ідэй, арыгінальных рэжысёрскіх рашэнняў, тэатралізаваных элементаў, сучасных тэхналогій і спецэфектаў у час мерапрыемства, увядзенне інтэрактыўных элементаў, традыцый у структуру мерапрыемства для больш шырокага далучэння гледача.

Конкурсныя матэрыялы неабходна прадставіць да 15 кастрычніка 2025 г. у электронным выглядзе на адрасы электроннай пошты: ministerstvo@kultura.by, 135@kultura.gov.by.

версія для друку

зрабіць стартавай

дабавіць у выбранае