4 верасня, Мінск /Кар. БЕЛТА/. Нацыянальны гісторыка-культурны музей-запаведнік "Нясвіж" атрымае калекцыю старадаўніх манет з Дзяржфонду каштоўных металаў і каштоўных камянёў Беларусі. Рарытэты бязвыплатна будуць перададзены са сховішча каштоўнасцей Міністэрства фінансаў. Аб гэтым БЕЛТА паведамілі ва ўрадзе.
Усяго музей атрымае 93 манеты, якія былі ва ўжытку ў Рэчы Паспалітай, Расіі, Францыі, Германіі (Прусіі), Аўстра-Венгрыі. Манеты датуюцца 1522-1908 гадамі. Сустракаюцца і такія ўнікальныя экзэмпляры, як грошы Іспанскіх Нідэрландаў (1612, 1621 і 1646 гады).
Перадачай старадаўняй калекцыі ў Нясвіж будуць займацца Мінфін і Мінкультуры Беларусі.
Пн | Аўт | Сер | Чцв | Пт | Сб | Нядз |
---|