9 мая, Мінск /Кар. БЕЛТА/.
Маштабнае 3D-шоу прайшло на пл. Перамогі ў Мінску з нагоды 72-й гадавіны Перамогі ў Вялікай Айчыннай вайне, перадае карэспандэнт БЕЛТА.Тэматычнае
3D-шоу стала фіналам святочнага канцэрта тэлепраекта "Плошча Перамогі - 2017". На вялікім экране, у які ператварыліся два будынкі, размешчаныя за манументам Перамогі, была прадэманстравана кароткая гісторыя асноўных момантаў вайны, звязаных з Беларуссю. Гледачы ўбачылі і гераічную абарону Брэсцкай крэпасці, і вызваленне Мінска, і пераможную вясну 1945-га. Шоу маглі бачыць тыя, хто знаходзіўся на плошчы, і тыя, хто пражывае ў дамах побач.Музычнае суправаджэнне забяспечыў Прэзідэнцкі аркестр Рэспублікі Беларусь.