Падзеі, факты, анонсы

Лыжніца Лобан увайшла ў топ-10 спрынту на зімовай Паралімпіядзе

10 сакавіка, Мінск /Кар. БЕЛТА/. Беларускія спартсменкі не змаглі выйсці ў фінал спаборніцтваў у спрынце на XIV Паралімпійскіх гульнях у Італіі, паведамляе карэспандэнт БЕЛТА.

Удзел у паўфіналах сярод сядзячых спартсменак (класы LW10-LW12) прынялі 12 лепшых дзяўчат па выніках кваліфікацыі, у гэты лік увайшлі і нашы Лідзія Лобан з Валянцінай Бірыла. Абедзве беларускі трапілі ў адзін паўфінал і ў выніку паказалі 4-ы і 6-ы рэзультаты, далей прайшла першая тройка. У падагульняючай табліцы час Лобан аказаўся дзявятым, Бірыла замкнула тузін.

У стаячых лыжнікаў з пашкоджаннямі канечнасцей (LW2-LW9) наш Раман Свірыдзенка атрымаў перамогу ў паўфінальным забегу і выйшаў у фінал. У студзені беларускі паралімпіец выйграў спрынт на этапе Кубка свету ў Германіі.

версія для друку

зрабіць стартавай

дабавіць у выбранае