Падзеі, факты, анонсы

Літаратурны музей Багдановіча рэалізуе некалькі міжнародных праектаў

Фота з архiва

14 красавіка, Мінск /Кар. БЕЛТА/. Літаратурны музей Багдановіча рэалізуе некалькі міжнародных праектаў, сказаў сёння журналістам загадчык філіяла "Літаратурны музей Максіма Багдановіча" Дзяржаўнага музея гісторыі беларускай літаратуры Міхаіл Бараноўскі на прэс-канферэнцыі ў Доме прэсы, перадае карэспандэнт БЕЛТА.

"Нядаўна сумесна з Інстытутам сусветнай літаратуры імя А.М. Горкага і пры падтрымцы Саюзнай дзяржавы мы выпусцілі кнігу "М. Горький и А. Богданович: дружба, рожденная на берегах Волги". Вельмі прыемна, што нашы ініцыятывы падтрымліваюцца на такім узроўні, - падкрэсліў загадчык. - Акрамя таго, мы актыўна працуем над выставамі. У бягучым годзе мы прадставілі ў сябе разам з калегамі з Дзяржаўнага музея-кватэры А.М.Горкага ў Ніжнім Ноўгарадзе міжнародны праект "Новыя гарызонты", дзе дэманстраваліся кнігі з аўтографамі расійскага пісьменніка і яго жонкі Кацярыны Адаму Багдановічу і рэчы з нашых фондаў".

Акрамя пастаянных экспазіцый музей прапануе жадаючым наведаць перасовачныя. "Яны цяпер карыстаюцца даволі вялікім попытам. У гэтым годзе мы прадставілі такую ​​выставу ў Цэнтральнай навуковай бібліятэцы НАН і Тэатры юнага гледача, таксама яна будзе вандраваць па бібліятэках Мінска", - прадоўжыў загадчык.

Ён адзначыў, што музей рэалізуе не толькі асветныя, забаўляльныя, выдавецкія праекты, але і навуковыя. Напрыклад, у лістападзе плануецца правесці Міжнародную навукова-практычную канферэнцыю, дзе вучоныя змогуць праявіць сябе.

У бягучым годзе Літаратурны музей Максіма Багдановіча адзначае 40-годдзе з моманту свайго стварэння. "Цяпер у нас прадстаўлена выстава "40/40", якая расказвае пра юбілей нашай установы. Мы адабралі за кожны год існавання музея па адным прадмеце, такім чынам жадаючы праілюстраваць гісторыю папаўнення фондаў і праз гэтыя прадметы расказаць пра фондастваральнікаў і людзей, якія прыклалі шмат намаганняў для таго, каб такая ўстанова была. Паколькі музей - гэта не толькі экспанаты, але і людзі, якія захоўваюць і шануюць памяць пра нашых выдатных дзеячаў", - адзначыў Міхаіл Бараноўскі.

"Юбілей - добрая нагода, каб падвесці вынікі, а таксама намеціць планы і праекты, якія будзем рабіць у будучым. Бягучы год мы пачалі кніжнымі навінкамі, якія з'яўляюцца вынікам працы музейных супрацоўнікаў за даволі доўгі перыяд. Сярод гэтых выданняў - каталог аўтографаў Максіма Багдановіча, дзе сабраны ўсе вядомыя на сёння аўтографы паэта. Работа над гэтым зборам вялася не адзін год і вельмі прыемна, што ў нас цяпер ёсць такое выданне, якое, дарэчы, даступна ў электронным варыянце на сайце Дзяржаўнага музея гісторыі беларускай літаратуры", - дадаў загадчык.

Музей прадоўжыў серыю кніг, што была пачата яшчэ ў 1990-я гады. "Гэта выданне "Архіўныя матэрыялы да жыцця і творчасці Максіма Багдановіча". У ім сабрана эпісталярная спадчына бліжэйшага асяроддзя, сваякоў літаратара. Праз гэтыя перапіскі мы даведаемся шмат цікавага аб унутраным жыцці сям'і і самім паэце, дзе ён перыядычна згадваецца, атрымлівае тую ці іншую характарыстыку, або проста нейкія бытавыя падрабязнасці яго жыцця. Яно таксама даступна ў электронным варыянце", - прадоўжыў Міхаіл Бараноўскі.

Загадчык анансаваў, што ў канцы года адкрыецца яшчэ адна выстава. "Мы спадзяёмся сабраць рэчы, якія знаходзяцца ў нашых калег, таму што не ўсё з матэрыяльнай спадчыны Максіма Багдановіча трапіла ў наш музей. Спадзяюся, што сёе-тое, чаго мінчане не бачылі раней, можна будзе ўбачыць у экспазіцыі", - сказаў ён.

Музей таксама вядзе інклюзіўныя праекты. "У мінулым годзе ў нас прайшла выстава "Паэзія кропак... Багдановіч" Васіля Зянько. Ён працуе ў цікавай тэхніцы, якая дае магчымасць людзям з абмежаваннямі па зроку прачытаць вершы Максіма Багдановіча праз фактуру, мастацкую тэхніку, у якой выкананы работы, адчуць вобразнасць паэта. Гэтыя работы будуць прадстаўлены на выставах у рэгіёнах, у бліжэйшы час у Бярозе. У Мінску мы арганізуем некалькі выстаў у спецыялізаваных установах, таму што даступнасць некаторых культурных ініцыятыў для такіх людзей абмежавана. Мы вырашылі зрабіць крок насустрач і адвезці гэтыя работы непасрэдна да іх. У цэлым мы правядзём некалькі такіх ініцыятыў у час акцыі "Багдановіч для ўсіх", - рэзюмаваў Міхаіл Бараноўскі.

версія для друку

зрабіць стартавай

дабавіць у выбранае