У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | Падзеі, факты, анонсы

Падзеі, факты, анонсы

12 Стд 2016

Лёгкаатлеты Аляксандр Ліннік і Марына Арзамасава сталі ўладальнікамі спецыяльнай узнагароды "Атлетыка"

12 студзеня, Мінск /Кар. БЕЛТА/. Лёгкаатлеты Аляксандр Ліннік і Марына Арзамасава сталі ўладальнікамі спецыяльнай узнагароды "Атлетыка" за 2015 год, урачыстая цырымонія ўручэння якой адбылася другі раз, паведамляе карэспандэнт БЕЛТА.

Марына Арзамасава, якая атрымала ўзнагароду "Атлетыка" другі год запар, у 2015 годзе выйграла залаты медаль на чэмпіянаце свету ў Пекіне ў бегу на 800 м, што з'яўляецца лепшым дасягненнем сярод беларускіх спартсменаў, якія прымалі ўдзел у сусветным форуме за год да Алімпійскіх гульняў. Спецыяльнай узнагароды была ўдастоена і асабісты трэнер Арзамасавай Наталля Духнова, якая таксама атрымала "Атлетыку" другі раз.

Аляксандр Ліннік у 2015 годзе на камандным чэмпіянаце Еўропы па лёгкай атлетыцы ў Чэбаксарах стаў уладальнікам бронзавай узнагароды ў бегу на 400 м і пабіў у гэтым відзе нацыянальны рэкорд (45,43 сек), які трымаўся больш за 30 гадоў. Лепшым трэнерам у мужчын прызнаны Аляксандр Сідарук.

Узнагароды лёгкаатлетам і трэнерам уручыў старшыня Беларускай федэрацыі лёгкай атлетыкі, дэпутат Палаты прадстаўнікоў Нацыянальнага сходу Беларусі Вадзім Дзевятоўскі. Ён адзначыў, што 2015 год стаў для айчыннай лёгкай атлетыкі паспяховым. "Пасля доўгага перапынку быў выйграны залаты медаль на чэмпіянаце свету, штуршком для папулярызацыі віду спорту стала правядзенне Мінскага паўмарафону, рэалізаваны маштабны праект "300 талентаў для Каралевы", аднак алімпійскі 2016 год ставіць яшчэ больш складаныя задачы перад беларускімі спартсменамі", - падкрэсліў старшыня федэрацыі.

У намінацыі "Прарыў года" спецыяльнай узнагароды ўдастоена бронзавы прызёр чэмпіянату свету ў Пекіне ў бегу на 100 м з/б Аліна Талай.

Сярод моладзі да 21 года спецыяльнай узнагароды "Атлетыка" ўдастоены Алена Собалева, якая заняла 2-е месца ў кіданні молата на маладзёжным чэмпіянаце Еўропы ў Таліне (71,20 м), якая таксама другі год запар стала ўладальніцай ганаровага прыза, і кідальнік кап'я Аляксандр Казлоўскі, які на зімовым Кубку Еўропы па кіданні ў партугальскай Лейрыі адправіў снарад на 73 м 39 см. Спецыяльная ўзнагарода БФЛА лепшаму трэнеру спартсменаў гэтай узроставай групы дасталася Людміле Кунац.

У юніёрскай узроставай катэгорыі (да 19 гадоў) "Атлетыку" атрымалі дзесяціборац Максім Андралойць і Эльвіра Герман (бег 100 м з/б). Сярод трэнераў па-за канкурэнцыяй быў настаўнік Віктар Мяснікоў.

У юнацкай узроставай катэгорыі (да 17 гадоў) узнагарод удастоены Віялета Скварцова (скачкі ў даўжыню) і кідальнік дыска Глеб Жук. Трэнерскую "Атлетыку" ў гэтай узроставай катэгорыі ўручылі Васіль Капцюх - трэнеру Глеба Жука.

Спецыяльная ўзнагарода "Атлетыка" выканана ў форме бронзавай статуэткі. Па ініцыятыве БФЛА ўрачыстая цырымонія ўручэння была праведзена другі раз. Пераможцы будуць вызначацца па выніках года ў чатырох узроставых катэгорыях: дарослыя, моладзь (да 21 года), юніёры/юніёркі (да 19 гадоў), юнакі/дзяўчаты (да 17 гадоў). Спецыяльная ўзнагарода "Атлетыка" будзе ўручацца і лепшым трэнерам па выніках года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс