1 кастрычніка, Мінск /Кар. БЕЛТА/. Лагойск увайшоў у тройку самых папулярных у расіян гарналыжных курортаў СНД і блізкага замежжа. Такія данныя прадаставіў БЕЛТА расійскі сэрвіс анлайн-браніравання атэляў Oktogo.ru.
Рэйтынг заснаваны на даных ранняга браніравання на перыяд навагодніх канікул з 1 па 10 студзеня 2016 года турыстамі, якія падарожнічаюць самастойна.
Паводле даных даследавання, родная мова, бязвізавы ўезд, высокі ўзровень сэрвісу, прыгожая прырода і даступныя цэны з кожным годам прыцягваюць усё больш расійскіх турыстаў на беларускія курорты Лагойск і Сілічы, якія размясціліся на трэцім і дзясятым радках рэйтынгу. У топ-10 па папулярнасці ў расійскіх турыстаў таксама ўвайшлі курорты Чымбулак (Казахстан), Цахкадзор (Арменія), Каракол (Кыргызстан), Гудауры (Грузія), Букавель (Украіна), Бакурыяні (Грузія), Алтайскія Альпы (Казахстан), Чымган (Узбекістан).
Паводле даных Oktogo.ru, самымі бюджэтнымі гарналыжнымі курортамі СНД з'яўляюцца Лагойск і Сілічы, дзе адпачынак будзе каштаваць у сярэднім $47 у дзень, а самым дарагім - Чымбулак ($95). Бюджэт адпачынку на курорце на адзін дзень уключае кошт пражывання ў недарагой гасцініцы, вячэры ў кафэ і скі-паса (пропуска на пад'ёмнікі).
Па транспартнай даступнасці зручней за ўсё дабрацца да Чымбулака, які знаходзіцца за 25 км ад Алматы. Далей ідуць Лагойск і Сілічы - да 35 км ад Мінска і Цахкадзор - 60 км ад Ерэвана.