Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

12 Apr 2016

Купленыя ў duty free тавары будуць улічвацца пры разліку лімітаў увозу тавараў

12 красавіка, Мінск /Юлія Огнева - БЕЛТА/. Тавары, купленыя ў магазінах бяспошліннага гандлю, будуць улічвацца пры разліку лімітаў увозу тавараў для асабістага карыстання праз аўтамабільныя і чыгуначныя пункты пропуску, паведаміў сёння журналістам намеснік старшыні Дзяржаўнага мытнага камітэта Уладзімір Арлоўскі, перадае карэспандэнт БЕЛТА.

"Набытыя фізічнай асобай у магазінах бяспошліннага гандлю тавары будуць уключацца пры разліку лімітаў увозу тавараў для асабістага карыстання праз аўтамабільныя і чыгуначныя пункты пропуску", - адзначыў Уладзімір Арлоўскі.

Паводле яго слоў, выключэнняў для асобных катэгорый фізічных асоб (акрамя супрацоўнікаў дыпламатычных прадстаўніцтваў і консульскіх устаноў) не будзе.

Уладзімір Арлоўскі падкрэсліў, што калі фізічнай асобай ажыццяўляецца ўвоз адной адзінкі тавару, якая перасягае мытны кошт 300 еўра або 20 кг, яна не будзе аднесена да тавараў для асабістага карыстання і падлягае мытнаму дэклараванню з выкарыстаннем дэкларацыі на тавары. "Гэта калі асоба перасякае граніцу часцей, чым раз у тры месяцы", - растлумачыў ён.

11 лютага 2016 года падпісаны ўказ нумар 40, у якім унесены змяненні ва ўказ нумар 360 ад 21 ліпеня 2014 года "Аб перамяшчэнні праз мытную граніцу Мытнага саюза ў Рэспубліцы Беларусь тавараў для асабістага карыстання". У адпаведнасці з указам мытныя плацяжы не выплачваюцца адносна тавараў для асабістага карыстання, што перасылаюцца ў міжнародных паштовых адпраўленнях на працягу каляндарнага месяца ў адрас адной фізічнай асобы, якая знаходзіцца на тэрыторыі рэспублікі, і (або) увозяцца на тэрыторыю краіны на працягу каляндарнага месяца ў адрас аднаго атрымальніка ў якасці тавараў, што дастаўляюцца перавозчыкам, калі мытны кошт такіх тавараў у сукупнасці не перавышае суму, эквівалентную 22 еўра, і агульная вага ў сукупнасці не перасягае 10 кг. Цяпер лімітаваныя велічыні складаюць 200 еўра і 31 кг адпаведна. Указам таксама ўнесены змяненні ў парадак перамяшчэння тавараў для асабістага карыстання праз аўтамабільныя і чыгуначныя пункты пропуску. Норма ў памеры 1,5 тыс. еўра і 50 кг бяспошліннага ўвозу застаецца дзейнічаць, але калі грамадзяне будуць перасякаць граніцу часцей, чым раз у тры месяцы, то тавары сумай вышэйшай за 300 еўра не будуць прызнавацца мытнымі органамі таварамі для асабістага карыстання, а, такім чынам, будуць абкладацца мытнымі плацяжамі. Указ уступае ў сілу з 14 красавіка 2016 года.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі