Падзеі, факты, анонсы

Кубарава стала фіналісткай турніру ITF у Астане

Ганна Кубарава. Фота з архiва

15 жніўня, Мінск /Кар. БЕЛТА/. Беларуская тэнісістка Ганна Кубарава першай прабілася ў фінал адзіночнага разраду турніру катэгорыі ITF-15 у Астане, паведамляе карэспандэнт БЕЛТА.

Сёння ў першым паўфінальным паядынку беларуска абыграла ў дзвюх партыях расіянку Хрысціну Кроітар - 6:1, 7:5. На шляху да заўтрашняга фінальнага матчу Ганна Кубарава таксама перамагла прадстаўніцу Узбекістана Дзіяну Якаўлеву - 6:2, 6:0, расійскую тэнісістку Усцінню Лякомцаву - 6:0, 6:2 і яшчэ адну расіянку Валерыю Савіных - 6:3, 4:3 (адмова). Саперніца беларускай тэнісісткі вызначыцца пасля другога паўфіналу, у якім будуць сапернічаць расіянкі Кацярына Хайрутдзінава і Вікторыя Мілаванава.

У паўфінале парнага разраду Кубарава і расіянка Кацярына Хайрутдзінава выйгралі ў беларускага тандэма Дар'я Хамуцянская / Уладзіслава Зверава - 6:2, 6:2, а ў вырашальным матчы сустрэнуцца з казахстанскім тандэмам Аружан Сагандзікава / Кацярына Дзмітрычэнка.

Спаборніцтвы ў сталіцы Казахстана завершацца 17 жніўня.

версія для друку

зрабіць стартавай

дабавіць у выбранае