У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

11 Ліс 2015

Кінатэатр "Мір" на фестывалі "Лістапад" на час ператворыцца ў пляцоўку для аўтагоншчыкаў

11 лістапада, Мінск /Кар. БЕЛТА/. Кінатэатр "Мір" на Мінскім міжнародным кінафестывалі "Лістапад" на час ператворыцца ў пляцоўку для аўтагоншчыкаў, паведамілі БЕЛТА арганізатары форуму.

У кінатэатры "Мір" 12 лістапада адбудзецца паказ фільма "Каманда: "сёстры па хуткасці", які раскажа гісторыю першай жаночай каманды па аўтаспорце ў арабскім свеце. Удзел у кінапаказе прымуць дзеючыя беларускія гоншчыцы - прызёры ралі, тайм-атак і картынга, таксама будуць прадстаўлены гоначныя машыны, а Дзяржаўтаінспекцыя арганізуе акцыю - у такім незвычайным фармаце пройдзе паказ гэтага фільма на 22-м ММКФ "Лістапад".

"Каманда: "сёстры па хуткасці" - гэта гісторыя з жыцця сучаснай Палесціны, дзе на кожным кроку стаяць блокпасты, а рух абмежаваны. Пяць дзяўчын аб'ядноўваюцца ў выключна жаночую каманду па аўтаспорце. "Зусім неабавязкова быць гоншчыкам, каб адчуць, што гонкі для іх - як глыток свежага паветра. У гэтым фільме ёсць усё: дрыфт, высокія скорасці, цудоўныя дзяўчыны, без якіх, паводле іх уласных слоў, аўтаспорт нецікавы і зразумелае кожнаму імкненне да перамогі", - адзначылі арганізатары.

Злучаючы эпізоды, знятыя на гоначнай трасе, з фрагментамі жыцця гераінь, аўтары спрабуюць зразумець, што вымушае людзей рухацца наперад і дабівацца большага, чым можна сабе ўявіць.

Каля кінатэатра перад праглядам размесціцца паркоўка гоначных аўтамабіляў і машын ДАІ, сфатаграфавацца з якімі зможа кожны жадаючы. Акрамя таго, пасля паказу гоншчыцы раскажуць аб аўтаспорце, яго "кухні" і аб тым, як навучыцца вадзіць машыну прафесійна.

Партнёрамі ў арганізацыі прэзентацыі фільма сталі Школа контраварыйнага ваджэння і ДАІ Мінска.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс