Падзеі, факты, анонсы

Камплект з 60 выданняў перададзены беларускай дыяспары ў Іарданіі

24 жніўня, Мінск /Кар. БЕЛТА/. Камплект з 60 выданняў перадалі культурна-адукацыйнаму аб'яднанню беларусаў у Іарданіі пры дапамозе Пасольства Беларусі ў Сірыі. Аб гэтым БЕЛТА паведамілі ў Нацыянальнай бібліятэцы Беларусі.

Кнігі па гісторыі і культуры Беларусі, мастацкія творы, слоўнікі і кнігі для дзяцей дастаўлены ў час дабрачыннай акцыі "Аб Беларусі - беларусам замежжа". Яе ініцыятарам выступіла НББ. Камплект сфарміраваны сумесна з Міністэрствам інфармацыі і Прэзідэнцкай бібліятэкай Беларусі.

"Мерапрыемства накіравана на аказанне дапамогі аб'яднанням беларускай дыяспары ў замежных краінах, а таксама садзейнічае распаўсюджванню інфармацыі аб нашай краіне, папулярызацыі інфармацыйных рэсурсаў, якія адлюстроўваюць багацце беларускай гісторыка-культурнай і прыроднай спадчыны", - расказалі арганізатары.-0-

версія для друку

зрабіць стартавай

дабавіць у выбранае