Падзеі, факты, анонсы

Каманда Прэзідэнта з перамогі стартавала ў новым сезоне РХЛ

1 лістапада, Мінск /Кар. БЕЛТА/. Каманда Прэзідэнта Беларусі з перамогі пачала выступленне ў 19-м сезоне Рэспубліканскай хакейнай лігі (РХЛ), паведамляе карэспандэнт БЕЛТА.

Сёння на лёдзе "Алімпік-Арэны" ў Мінску дружына кіраўніка дзяржавы ў сваім першым паядынку абыграла хакеістаў Магілёўскай вобласці з лікам 9:3 (3:1, 4:2, 2:0).

Дзеючыя чэмпіёны РХЛ без разварушвання пачалі сустрэчу, і ўжо на 3-й мінуце першую шайбу закінуў Аляксей Яфіменка. Хутка Мацвей Вінкевіч аднавіў раўнавагу, але да перапынку Мікалай Лукашэнка і Мікіта Драздоў яшчэ двойчы паразілі вароты гасцей. Другі перыяд пачаўся нечакана - не прайшло і чатырох мінут, як Мацвей Вінкевіч і Леанід Альхавой зрабілі лік роўным - 3:3. Такі ход падзей не задаволіў гаспадароў, і яны адказалі дакладнымі кідкамі Аляксея Баранава, Андрэя Міхалёва, Яраслава Чупрыса і Арцёма Каркоцкага - 7:3. У заключнай трэці матча Мікалай Лукашэнка закінуў сваю другую шайбу, а следам за ім канчатковы рэзультат устанавіў Алег Антоненка - 9:3.

Лепшымі ігракамі сённяшняй сустрэчы прызнаны Яраслаў Чупрыс і Алег Фралоў.

Сёння сярод балельшчыкаў упершыню былі разыграны ўнікальныя прызы - шайба і клюшка з аўтографам Аляксандра Лукашэнкі.

Раней, на старце цяперашняга сезона, адбыліся яшчэ тры матчы: Гомельская вобласць - Мінская вобласць - 1:10, Брэсцкая вобласць - Віцебская вобласць - 21:1, Магілёўская вобласць - Гомельская вобласць - 2:4.

У мінулым сезоне каманда Прэзідэнта 16-ы раз стала пераможцай гэтых спаборніцтваў, абыграўшы ў фінальнай серыі хакеістаў Мінскай вобласці. Па адным тытуле ў зборных Гомельскай і Мінскай абласцей.

Арганізатары хакейнага аматарскага турніру - Прэзідэнцкі спартыўны клуб, Міністэрства спорту і турызму і Мінскі гарадскі выканаўчы камітэт.

версія для друку

зрабіць стартавай

дабавіць у выбранае