Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

7 Jan 2019

Каманда "Грыфоны" перамагла ў фінале "Залатой шайбы"

Каманда

7 студзеня, Мінск /Кар. БЕЛТА/. Каманда Цэнтральнага раёна Мінска "Грыфоны" абыграла ў фінале з лікам 10:3 сапернікаў з "Сокала" і стала пераможцай рэспубліканскіх спаборніцтваў "Залатая шайба" ў старэйшай узроставай групе ў дывізіёне А, перадае карэспандэнт БЕЛТА.

Вырашальны матч на малой пляцоўцы "Чыжоўка-Арэны" атрымаўся адным з самых відовішчных на турніры. Першую шайбу фіналу закінуў Мікалай Лукашэнка, рэалізаваўшы колькасную перавагу сваёй каманды, - 1:0. Хутка "Грыфоны" другі раз закінулі шайбу ў вароты апанентаў. У гэтым эпізодзе Мікалай Лукашэнка асісціраваў свайму партнёру, які своечасова згуляў на дабіванні. На 20-й мінуце першага перыяду мінчане павялічылі розніцу ў ліку. Далей перавага "Грыфонаў" была адчувальнай - 10:3.

Хакеісты з Магілёўскай вобласці занялі другое месца ў "Залатой шайбе". Год таму хлопцы з Горак, якія выступалі ў камандзе пад іншай назвай - "Міраж", былі чацвёртымі.

Каманда "Атлант" з Кобрынскага раёна Брэсцкай вобласці заняла трэцяе месца, абыграўшы ў матчы за бронзавыя ўзнагароды равеснікаў з "Прынёманскіх ястрабаў" (Гродзенская вобласць).

Пасля завяршэння фінальнага матчу пераможцы і прызёры турніру атрымалі ўзнагароды і кубкі, якія ім уручылі міністр адукацыі Ігар Карпенка, міністр спорту і турызму Сяргей Кавальчук, старшыня Прэзідэнцкага спартыўнага клуба Дзмітрый Лукашэнка.

Па выніках турніру вызначана сімвалічная пяцёрка, у якую ўвайшлі Аляксандр Кавалёў, Данііл Лахноў, Ягор Іванчанка (усе - "Сокал"), Уладзімір Крастоўскі ("Атлант") і Мікалай Лукашэнка ("Грыфоны").

Галоўны трэнер пераможцаў Дзмітрый Баскаў падзякаваў арганізатарам за сапраўднае свята хакея, якое ў гэтыя навагоднія і калядныя дні адбылося для дзяцей у "Чыжоўка-Арэне". "Усе хлопцы з нашай каманды вельмі рады гэтаму поспеху. Шмат трэніраваліся, рыхтаваліся, і гэта дапамагло нам перамагчы. Фінал, толькі калі меркаваць па ліку, можа здацца простым. У каманды з Магілёўскай вобласці ёсць некалькі ігракоў, якія добра валодаюць клюшкай, добра катаюцца, давялося прыкласці максімальныя намаганні для перамогі", - адзначыў Дзмітрый Баскаў.

Цырымонія закрыцця рэспубліканскага турніру "Залатая шайба" і ўзнагароджанне лепшых ігракоў адбудзецца сёння пасля фінальнага матчу XV Каляднага турніру Беларусь - Расія і пройдзе на вялікай пляцоўцы "Чыжоўка-Арэны".

Турнір "Залатая шайба" ў Беларусі адроджаны па ініцыятыве кіраўніка дзяржавы Аляксандра Лукашэнкі ў 1997 годзе. Арганізатарамі спаборніцтваў выступаюць Міністэрства спорту і турызму, Міністэрства адукацыі, БРСМ, Федэрацыя хакея Беларусі, Прэзідэнцкі спартыўны клуб і дзіцяча-юнацкі клуб па хакеі "Залатая шайба".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі