Падзеі, факты, анонсы

Каляндар падзей у Беларусі: ЧЭРВЕНЬ 2021

Сябры! Жыццё вымушае ўносіць карэктывы і ў тыя падзеі, пра якія кожны месяц расказвае каляндар Belarus.by. Успышка каранавіруса ў Еўропе і свеце выклікала закрыццё граніц дзяржаў, абмежаванне міжнароднага перамяшчэння, перанос і адмену масавых мерапрыемстваў. І вядома, самі людзі цяпер гатовы пачакаць з паездкамі, паходамі і забавамі, каб засцерагчы ад небяспекі сябе і блізкіх.

Беларусь сёння прымае ўсе неабходныя меры, каб не дапусціць распаўсюджвання інфекцыі. Краіна не ўвяла жорсткія абмежаванні на перамяшчэнне, аднак заклікае КОЖНАГА ЧАЛАВЕКА праяўляць асаблівую асцярожнасць, выконваць рэкамендацыі СААЗ і ўрачоў, вельмі строга захоўваць правілы асабістай гігіены, а галоўнае – беражліва ставіцца адзін да аднаго. У выпадку прыезду з эпідэміялагічна нестабільных рэгіёнаў і краін, пры самым малым падазрэнні на пагаршэнне самаадчування неабходна звярнуцца да медыкаў і, вядома ж, як мага хутчэй самаізалявацца, каб не стаць разносчыкам любой інфекцыі (не толькі каранавіруса)!

У гэтай сітуацыі адбываюцца адмены і пераносы вялікіх мерапрыемстваў, таму просім загаддзя ўдакладняць інфармацыю. Як анансуюць арганізатары, білеты на ўсе перанесеныя падзеі будуць сапраўдныя. І помніце: галоўнае – быць здаровымі!

Праект "Рарытэты Нацыянальнага гістарычнага музея" ў Мінску

Нацыянальны гістарычны музей запрашае мінчан і гасцей сталіцы ўбачыць рарытэты са сваіх фондаў... на адкрытым паветры. Незвычайная выстава, якая расказвае аб унікальнасці беларускай нацыі і яе гістарычнай спадчыне, з пачатку чэрвеня будзе прадстаўлена на агароджы Парка культуры і адпачынку імя Чалюскінцаў (праспект Незалежнасці). 70 фотабанераў пакажуць наведвальнікам каштоўнасці з розных эпох – манеты, зброю, нацыянальны касцюм, прадметы рэлігійнага культу, творы выяўленчага мастацтва, народныя промыслы і рамёствы, кнігі, каштоўныя металы, узнагароды, музычныя інструменты і многае іншае. Свой уклад у гэту экспазіцыю ўнеслі ўсе 5 філіялаў Нацыянальнага гістарычнага – Музей сучаснай беларускай дзяржаўнасці, Музей гісторыі тэатральнай і музычнай культуры Беларусі, Дом-музей I з'езда РСДРП, Музей гісторыі беларускага кіно, Музей прыроды і экалогіі.

Калі: 2 чэрвеня 2020 – 1 чэрвеня 2021
Дзе: агароджа Парка культуры і адпачынку імя Чалюскінцаў, пр. Незалежнасці, Мінск
Даведацца больш

Выстава "Тадэвуш Касцюшка як мастак"

4 лютага споўнілася 275 гадоў з дня нараджэння нацыянальнага героя Беларусі, Польшчы і ЗША Тадэвуша Касцюшкі. У гэты дзень на малой радзіме выдатнага ваеннага і палітычнага дзеяча – у мемарыяльным музеі-сядзібе ва ўрочышчы Мерачоўшчына горада Косава – разгарнулася ўнікальная выстава-праект, якая раскрывае знакамітага генерала ў творчай іпастасі. Наведвальнікі могуць убачыць 16 рэпрадукцый работ Касцюшкі, выкананых ім у розныя перыяды жыцця. Тут прадстаўлены і першыя палотны – пераважна копіі работ іншых мастакоў, зробленыя ў час вучобы ў Каралеўскай акадэміі жывапісу і скульптуры ў Францыі, і рэплікі карцін больш позняга перыяду. Нягледзячы на тое, што Тадэвуш Касцюшка звязаў жыццё з ваеннай справай, ён прадаўжаў займацца жывапісам і пасля паўстання 1794 года, а ў Амерыцы набыў славу партрэтыста.

Калі: 4 лютага – 31 снежня
Дзе: Мемарыяльны музей-сядзіба імя Тадэвуша Касцюшкі, Брэсцкая вобласць, Іванаўскі раён, Косава, вул. Т.Касцюшкі, 108
Даведацца падрабязней

"Анры Маціс. Погляд" у мастацкай галерэі Міхаіла Савіцкага

Французскі мастак і скульптар, лідар фавістаў Анры Маціс займае выключнае месца сярод майстроў Заходняй Еўропы ХХ стагоддзя дзякуючы эксперыментам у перадачы эмоцый праз колер і форму. Яго творчы дыяпазон сапраўды ўражвае – ад жывапісу, графікі, ілюстрацыі да манументальных форм, тэатральных дэкарацый, скульптур, керамікі, габеленаў і вітражоў... У мінскую экспазіцыю гэтай вясной увайшлі 118 літаграфій Анры Маціса, і кожная суправаджаецца тэкстамі з яго артыкулаў, кніг, пісем і разважанняў.

Калі: 23 красавіка – 20 чэрвеня
Дзе: Мастацкая галерэя Міхаіла Савіцкага, плошча Свабоды, 15, Мінск

 Фестываль Vytoki ў Беларусі

Маштабны фестываль, які прадоўжыцца з мая па жнівень і ахопіць адразу шэсць гарадоў – Ліду, Оршу, Кобрын, Мазыр, Бабруйск, Жодзіна – стане аб'яднальнай падзеяй у Год народнага адзінства. Арганізатары прапануюць тэматычныя пляцоўкі па розных напрамках. Цэнтрам прыцягнення стане спартыўны "Крок да Алімпа", дзе кожны жадаючы зможа прыняць удзел у спаборніцтвах і конкурсах алімпійскага квеста, праверыць свае сілы ў розных відах спорту. Запланавана і маштабная культурна-адукацыйная праграма. Напрыклад, выстаўка "Кола часу" азнаёміць з творамі беларускіх мастакоў, а напярэдадні адбудзецца лекцыя-прэзентацыя па сучасным выяўленчым мастацтве. Госці фестывалю змогуць наведаць канцэрт арганнай музыкі, развучыць рухі старадаўніх беларускіх танцаў і сучасных харэаграфічных напрамкаў на майстар-класах ад прафесіяналаў. Завершыцца свята ў кожным горадзе вячэрнім гала-канцэртам з удзелам папулярных артыстаў. А фінальным акордам стануць танцавальныя флэш-мобы і дыскатэка ад лепшых дыджэяў Беларусі.

Калі: май–жнівень
Дзе: Ліда, Орша, Кобрын, Мазыр, Бабруйск, Жодзіна

"#Продолжение" з удзелам шоу-балета Алы Духавай "ТОДЭС"

Знакаміты балет Алы Духавай "Тодэс", які перасягнуў рубеж 30-годдзя, вяртаецца ў Беларусь з танцавальным спектаклем ''#Продолжение''. Візітнай карткай калектыву з'яўляецца арыгінальнае спалучэнне харэаграфіі і акцёрскага майстэрства, старанная работа над касцюмамі, прадуманая драматургія нумароў, а таксама выкарыстанне ў шоу найноўшых тэхналогій. І новы паказ не стане выключэннем: праграма прызначана здзівіць і выклікаць у гледачоў шырокую гаму эмоцый – ад страсці да захаплення. Паклоннікаў "Тодэса" чакаюць і гумарыстычныя замалёўкі, і лірычныя нумары, і народныя матывы. Коратка новае шоу апісваюць як гісторыю пра моцныя чалавечыя пачуцці, самыя хвалюючыя моманты і неверагодныя светы.

Калі: 3 чэрвеня
Дзе: Грамадска-культурны цэнтр, вул. Ланге, 17, Гомель

"Ватэрленд. Тайны Атлантыды" ў Гомельскім цырку

Сезон у Гомельскім цырку завяршае феерычнае воднае шоу "Ватэрленд. Тайны Атлантыды", у якім сабраны самыя ўражальныя  нумары з выкарыстаннем сучасных тэхналогій спецэфектаў. Гледачы ўбачаць паветраных гімнастаў, акрабатаў на арэлях, гімнастаў на паветранай мачце, акрабатаў на батуце. Здзівіць абяцаюць "Ілюзія" пад кіраўніцтвам Дзяніса Міхайленкі, "Дынамічная мачта" (выконваюць Таццяна Кулікова і Юрый Іванічок), "Кола Сіра" (Яўген Крот) і вогненнае шоу ад Сяргея Іванца. Пазітыўны настрой будуць ствараць і артысты з клоўнскага трыа – Юрый Галічэнка, Юлія Кісель, Дзмітрый Якімаў.

Калі: 15 мая – 6 чэрвеня 
Дзе: Гомельскі дзяржаўны цырк, вул. Савецкая, 27, Гомель

Праграма "Амаль сур'ёзна" ў Белдзяржцырку

Белдзяржцырк і Маскоўскі цырк Юрыя Нікуліна на Цвятным бульвары падрыхтавалі сумесны праект, прысвечаны 100-годдзю з дня нараджэння вялікага артыста. Новая праграма "Амаль сур'ёзна" прадставіць  калейдаскоп нумароў, сярод якіх экстрэмальныя ("Бразільскае кола смеласці" і "Мотакаскадзёры з Бразіліі "Fire riders"), відовішчныя ("Эквілібрысты на канаце" і "Акрабаты на мачце"), рамантычныя ("Сола на палотнах" і "Паветраны ланцуг") і заснаваныя на дрэсуры жывёл – коней ("Вышэйшая школа верхавой язды" і "Свабода коней"), мядзведзяў, сабачак і нават коз! Не абыдзецца і без спрытных рук: на манежы выступіць жанглёрскі дуэт Уладзіслава Біляўэра і Веранікі Расохінай. Забаўляць публіку будзе клоўн Канстанцін Герасіменка.

Калі: 15 мая – 1 жніўня
Дзе: Беларускі дзяржаўны цырк, пр. Незалежнасці, 32, Мінск

ХХVII Міжнародны ІКТ-форум "ТІБО-2021"

Міжнародная спецыялізаваная выстаўка і кангрэс па тэлекамунікацыях, інфармацыйных і банкаўскіх тэхналогіях "ТІБО" зноў збяруць прадстаўнікоў самых перадавых галін з Беларусі і краін свету. Гэта ўнікальная пляцоўка для абмену міжнародным вопытам, абмеркавання палітыкі ў інфармацыйнай сферы, генерацыі інавацыйных ведаў і абмеркавання механізмаў укаранення найноўшых тэхналагічных трэндаў у розныя сферы эканомікі, бізнесу і жыцця сучаснага грамадства. З моманту заснавання спецыяльнай прэміі – 2003 года – у конкурсе прынялі ўдзел амаль 8000 прадстаўнікоў digital-сферы! Тэматыка форуму шырокая: "Тэлевізійныя, мультымедыйныя і гульнявыя  тэхналогіі", "Інструментальныя праграмныя сродкі", "Лічбавае выдавецтва і паліграфія", "Інтэрнэт-тэхналогіі і паслугі", "Робататэхніка", "Тэхналогіі "Разумнага горада" і "Разумнага дома", "Сістэмы і тэхналогіі бяспекі (e-Securuty)", "Сістэмы аўтаматызаванага праектавання і кіравання", "Інтэрнэт рэчаў", Вялікія даныя", "Воблачныя тэхналогіі", "Дапоўненая і віртуальная рэальнасць", "Блокчэйн" і іншыя. Ключавым мерапрыемствам "ТІБО-2021" стане Афіцыйнае адкрыццё форуму пад слоганам "Лічбавая будучыня", якое адбудзецца 1 чэрвеня ў Кангрэс-холе ШКСК "Мінск-арэна".

Калі: 1-4 чэрвеня
Дзе: ШКСК "Мінск-арэна", пр. Пераможцаў, 111А, Мінск

Спектакль "Майстар і Маргарыта" ў Мінску

Таямнічая гісторыя Майстра і Маргарыты ў інтэрпрэтацыі расійскага рэжысёра Сяргея Алдоніна ўжо 20 гадоў не сыходзіць з тэатральных падмосткаў. Адным з сакрэтаў поспеху пастаноўкі з'яўляецца спалучэнне тэатральнага мастацтва і элементаў шоу – шалёны тэмпа-рытм, мізансцэны, што змяняюцца па прынцыпе кінакадра, яркая візуальная форма, арыгінальны сцэнарый... Дзякуючы гэтаму зала гледачоў і сцэна ператвараюцца ў містычную прастору, у якой  з'яўляюцца і знікаюць персанажы ў выкананні  Кацярыны Клімавай, Міхаіла Горскага, Філіпа Бледнага, Цімура Арагвелідзэ. У спектакль уключаны фрагменты з чарнавікоў рамана, што дае магчымасць акцэнтаваць галоўныя тэмы, якія хвалявалі Міхаіла Булгакава. Іх эфектна дапаўняюць музыка, пантаміма і трукі.

Калі: 4 чэрвеня
Дзе: КЗ "Мінск", вул. Кастрычніцкая, 5, Мінск

Міжнародны фестываль маркетынгу і рэкламы "Белы квадрат"-2021

Міжнародны форум штогод збірае ўдзельнікаў з больш як 30 краін Усходнееўрапейскага і Балтыйскага рэгіёнаў, Заходняй Еўропы, Амерыкі, Азіі. У 2021-м "Белы квадрат" традыцыйна будзе ўключаць два блокі – конкурс рэкламных работ і бізнес-форум па абмене перадавым міжнародным вопытам і інавацыямі ў індустрыі маркетынгу і камунікацый. Праекты ацэніць журы, якое прадстаўлена крэатыўнымі і арт-дырэктарамі, топ-менеджарамі вядучых міжнародных агенцтваў, якія ўзначальваюць рэйтынгі ў сваіх краінах – персонамі з сусветным прызнаннем у рэкламе і мноствам прэстыжных фестывальных узнагарод. У праграме – 129 намінацый, актуальных для індустрыі па ўсім свеце: Creativity, Branding, Marketing і Marketing Effectiveness, Media, Digital, Craft… Кульмінацыяй фестывалю стане цырымонія ўзнагароджання пераможцаў, якая праходзіць у лепшых традыцыях еўрапейскіх фестываляў рэкламы.

Калі: 9-11 чэрвеня
Дзе: БЦ Green Plaza, вул. Бірузова, 10а, Мінск

Закрыццё сімфанічнага сезона ў Белдзяржфілармоніі

Закрые музычны сезон у Белдзяржфілармоніі праект "Класіка для ўсіх" у выкананні Дзяржаўнага  акадэмічнага сімфанічнага аркестра пад кіраўніцтвам галоўнага дырыжора – народнага артыста Беларусі Аляксандра Анісімава. У праграме вечара прагучаць канцэрт №2 до мінор для фартэпіяна з аркестрам Сяргея Рахманінава, сюіта №3 соль мажор Пятра Чайкоўскага і сюіта з балета "Пацалунак феі" Сяргея Стравінскага. Салісты – Аляксандр Музыкантаў (фартэпіяна) і Юлія Стэфановіч (скрыпка).

Калі: 10 чэрвеня
Дзе: Беларуская дзяржаўная філармонія, пр. Незалежнасці, 50, Мінск

XX Нацыянальны фестываль беларускай песні і паэзіі "Маладзечна-2021"

Нацыянальны фестываль "Маладзечна", які з'яўляецца цэнтрам прыцягнення для таленавітых спевакоў, музыкантаў і кампазітараў, у 2021-м прысвечаны юбілею форуму і Году народнага адзінства. Цэнтральнай падзеяй стане Нацыянальны конкурс маладых выканаўцаў  беларускай эстраднай песні, мастацкім кіраўніком якога  вось ужо многія гады з'яўляецца народны артыст Міхаіл Фінберг. Па выніках ужо праведзеных рэгіянальных і абласных этапаў 11 чэрвеня ў Летнім амфітэатры Маладзечна адбудуцца другі і трэці туры конкурсу, удзел у якіх прыме 21 выканаўца з усіх рэгіёнаў краіны і сталіцы. Адным з акцэнтаў стане юбілей знакамітага аўтара гімна фестывалю – беларускага піяніста і кампазітара Ігара Паліводы. Таксама ў праграме Нацыянальнага акадэмічнага канцэртнага аркестра Беларусі – вершы  Уладзіміра Караткевіча.

Калі: 11-12 чэрвеня
Дзе: Летні амфітэатр, Палац культуры, Маладзечна, Мінская вобласць
Даведацца больш

Міжнародны фестываль народнай музыкі "Звіняць цымбалы і гармонік"

Летні фестываль народнай музыкі "Звіняць цымбалы і гармонік" пасля гадавога перапынку з-за пандэміі каранавіруса вяртаецца. Творчыя дзеячы рэгіёна актыўна рыхтуюцца да  галоўнай падзеі года: ужо анансаваны арыгінальныя выступленні  мясцовых артыстаў і юных талентаў, запрошаны калектывы з гарадоў - пабрацімаў Паставаў. Праграма форуму застанецца прыхільнай да традыцый і на гэты раз будзе прысвечана Году народнага адзінства. Ужо вядома, што многія мерапрыемствы  пройдуць на новай пляцоўцы – плошчы  Камсамольскай.

Калі: 11-13 чэрвеня
Дзе: Паставы, Віцебская вобласць

Праект "Балетнае лета ў Вялікім"

Летні фестываль балета-2021 у Вялікім прадставіць маштабную праграму, у якую ўвайшлі нацыянальныя харэаграфічныя прэм'еры – "Лебядзінае возера", "Пер Гюнт", "Ганна Карэніна", "Шчаўкунок". Госцем праекта стане Акадэмічны тэатр "Кіеў мадэрн-балет" пад кіраўніцтвам заслужанага дзеяча мастацтваў Украіны, народнага артыста Малдовы Раду Паклітару, які прадставіць на галоўнай сцэне краіны спектаклі "Дзевяць спатканняў", "Маленькі прынц", а таксама дывертысмент сучаснай харэаграфіі "Con tutti instrumenti". Завершыцца форум 17 чэрвеня гала-канцэртам зорак сусветнага балета.

Калі: 12-17 чэрвеня
Дзе: Вялікі тэатр Беларусі, пл. Парыжскай Камуны, 1, Мінск

Канцэрт-прысвячэнне ад групы BiG DADDY BLUES: ''Бадзі Гай – Легенда Блюза''

Трыб'ют-прэм'ера – падарунак ад групы "BIG DADDY BLUES" для беларускіх знатакоў блюза. Музычны вечар будзе прысвечаны  творчасці шматразовага  лаўрэата прэмій ''Грэмі'' Бадзі Гая, які істотна паўплываў на развіццё поп-музыкі другой палавіны ХХ стагоддзя. Адзін з бліскучых гітарыстаў нашага часу, у 2016-м ён увайшоў у Топ-100 лепшых гітарыстаў свету  па версіі часопіса Rolling Stone. З 2005 года яго імя было ўнесена ў Залу славы рок-н-рола. Прайшло больш за  шэсцьдзясят гадоў з моманту, калі ён распрацаваў свой дзіўны канцэртны стыль – ігры на гітары за спінай або зубамі! – і цяпер усё яшчэ дае больш за  пяцьдзясят канцэртаў у год.

Калі: 17 чэрвеня
Дзе: Джаз-Клуб Яўгена  Уладзімірава, пл. Кастрычніцкая, 1, Мінск

Група ''Кіно'' ў Мінску

Група ''Кіно'' выступіць на буйнейшай пляцоўцы сталіцы – ''Мінск-Арэне'': канцэрт адбудзецца праз 30 гадоў пасля распаду легендарнага калектыву. Паклоннікі Віктара Цоя змогуць пачуць творы свайго куміра ў выкананні вядомых музыкантаў, сярод якіх два арыгінальныя басісты групы розных гадоў Аляксандр Цітоў і Ігар Ціхаміраў, а таксама нязменны гітарыст Юрый Каспаран. Салістам у мінскім канцэрце выступіць сам Віктар Цой! У аснове праграмы – голас лідара ''Кіно'', пераведзены ў лічбавы фармат з арыгінальных шматканальных запісаў. Мэта праекта – паказаць, якімі могуць быць канцэрты культавага рок-калектыву праз 30 гадоў. Максімальны эфект прысутнасці будзе падтрымліваць спецыяльна створаны відэарад – практычна  поўнаметражны фільм, які складаецца з графікі, анімацыі, новых і архіўных здымак…

Калі: 17 чэрвеня
Дзе: Мінск-Арэна, праспект Пераможцаў, 111, Мінск

Лядовае шоу ''Айс Фэст'' у Мінску

Першы ў Беларусі дзіцячы аматарскі  тэатр на лёдзе "АйСторыс" прадставіць знатакам фігурнага катання эфектнае шоу. Усяго за год юныя артысты не толькі літаральна з нуля асвоілі сакрэты гэтага грацыёзнага віду спорту, але таксама падрыхтавалі  ўнікальную праграму "Айс Фэст", у якую ўвайшлі 9 самабытных нумароў у суправаджэнні  вопытных партнёраў, трэнераў і педагогаў! На сталічнай "Алімпік Арэне" госці ўбачаць  выступленне юных фігурыстаў, спартсменаў, а таксама трэнерскага складу тэатра "АйСторыс".

Калі: 19 чэрвеня
Дзе: ФСК "Алімпік Арэна", вул. Ратамская 2, Мінск

ХХVII Міжнародны фестываль песні і музыкі "Дняпроўскія галасы ў Дуброўне"

Фестываль песні і музыкі, які праводзіцца з 1993 года, першапачаткова аб'ядноўваў  рэгіёны трох краін, дзе цячэ знакамітая рака Днепр. Затым да яго далучыліся  калектывы краін Балтыі, пашырыўшы  геаграфію форуму. Яшчэ да старту праграмы-2021 адбудуцца сустрэча ўдзельнікаў, круглы стол "Подзвігу жыць у вяках", адкрыццё фотавыставы "Тут Радзімы маёй пачатак". Падхопяць эстафету свята  горада, абласны агляд-конкурс эстраднай музыкі "ВІАton – 2021" і канцэрты калектываў-удзельнікаў фестывалю. Другі дзень будзе не менш насычаным: раніцай на цэнтральнай плошчы разгорнуцца  падворкі Дубровенскага раёна, горад майстроў, пленэр па свістульцы "Салавейка-2021", выстава "Легенды, паданні і казкі Віцебщыны ў маляваных дыванах". Вечарам гасцей чакаюць канцэрты – калектываў-удзельнікаў "Мы – адзінае цэлае" і артыстаў беларускай эстрады "Зорная ноч над Дняпром".

Калі: 25-27 чэрвеня
Дзе: Дуброўна, Віцебская вобласць

Фестываль "Вечары Вялікага тэатра ў замку Радзівілаў"

Легендарная рэзідэнцыя князёў Радзівілаў у Нясвіжы запрашае акунуцца ў атмасферу летняга open air фестывалю "Вечары Вялікага  тэатра ў замку Радзівілаў". Госці змогуць пабываць у замку, унесеным у Спіс сусветнай спадчыны ЮНЕСКА, пранікнуцца падзеямі вялікага мінулага і палюбавацца  шэдэўрамі сусветнага опернага і балетнага мастацтва ў выкананні артыстаў  Вялікага тэатра Беларусі.

25 чэрвеня, 13.00 – канцэрт французскай музыкі "La promenade" (салісты – заслужаная артыстка Рэспублікі Беларусь Алена Сало, Павел Трафімік). Тэатральная зала
25 чэрвеня, 21.00 – опера "Набука". Унутраны двор замка Радзівілаў
26 чэрвеня, 13.00 – канцэрт "Мяцеліца". Тэатральная зала ў Палацавым ансамблі
26 чэрвеня, 15.30 – канцэрт "Заўсёды ў маім сэрцы. Музыка Італіі, Іспаніі і Кубы". Тэатральная зала ў Палацавым ансамблі­
26 чэрвеня, 21.00 – канцэрт-сюрпрыз "Ноч пераўвасабленняў". Зала ў замку Радзівілаў
27 чэрвеня, 14.00 – канцэрт "Amadis brass". Тэатральная зала ў Палацавым ансамблі
27 чэрвеня, 16.00 – канцэрт "Вышэй за  неба". Тэатральная зала ў Палацавым ансамблі

Калі: 25–27 чэрвеня
Дзе: Нацыянальны гісторыка-культурны музей-запаведнік "Нясвіж", Мінская вобласць

"КУПАЛЬСКАЕ КОЛА"-2021

Адзін з самых запамінальных  летніх open air фестываляў, прысвечаных беларускаму святу Купалле, запрашае ў адзіны ў  Беларусі музей-скансен пад адкрытым небам, які знаходзіцца ў вёсцы Азярцо. Госці каларытнага свята змогуць убачыць рэканструкцыю старадаўняга  абраду ў жывых дэкарацыях беларускай вёскі XVII–ХХ стагоддзяў, пачуць прыгожыя легенды і міфы, якія як нельга лепш раскрываюць душу беларускага народа, прыняць удзел у традыцыйных святкаваннях – карагодах, танцах ля вогнішча, купальскіх абрадах, а таксама  паспытаць стравы мясцовай і нацыянальнай кухні, навучыцца плесці вянкі і пускаць на ваду.

Калі: 26-27 чэрвеня
Дзе: Беларускі дзяржаўны музей народнай архітэктуры і побыту, в. Азярцо, Мінскі раён