Падзеі, факты, анонсы

Гуськова і яшчэ пяць беларусаў атрымалі нейтральныя статусы ад FIS

Ганна Гуськова. Фота sport5.by

10 снежня, Мінск /Кар. БЕЛТА/. Міжнародная федэрацыя лыжнага спорту і снаўборда (FIS) апублікавала спіс першых дзевяці спартсменаў з Беларусі і Расіі, якім прысвоены статус індывідуальнага нейтральнага атлета (AIN), паведамляе карэспандэнт БЕЛТА.

Нейтральныя статусы атрымалі беларускія фрыстайлісты Ганна Гуськова, Ганна Дзяруга, Настасся Андрыянава, Ігар Драбянкоў і Уладзіслаў Вазнюк, а таксама гарналыжніца Марыя Шканава. Акрамя таго, у спіс увайшлі трое расійскіх спартсменаў. Гэтыя атлеты змогуць прыняць удзел у кваліфікацыйных спаборніцтвах да Алімпійскіх гульняў 2026 года ў Італіі. На працягу бліжэйшых дзён і тыдняў па меры правядзення дадатковых праверак адпаведнасці патрабаванням FIS будзе публікаваць абноўленыя версіі спіса нейтральных спартсменаў.

Наступныя этапы Кубка свету па лыжнай акрабатыцы пройдуць у кітайскім Чжанцзякоу (20 снежня), канадскім Лак-Бапоры (6-7 студзеня) і амерыканскіх Лейк-Плэсідзе (11.01) і Дзір-Вэлі (18.01). Да Алімпійскіх гульняў спаборніцтвы ў слаламе ў гарналыжніц прымуць французскі Куршэвель (16 снежня), аўстрыйскі Земерынг (28.12), славенская Краньска Гора (4 студзеня), аўстрыйскі Флахау (13.01) і чэшскі Шпіндлеруў-Млын (25.01).

версія для друку

зрабіць стартавай

дабавіць у выбранае