У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

2 Ліп 2016

Госці свята "Купалле" пакаштуюць нацыянальныя стравы беларускай, расійскай і ўкраінскай кухні

2 ліпеня, Магілёў /Свяргей Кулягін - БЕЛТА/. На купальскае застолле ўпершыню запросяць усіх гасцей свята "Купалле" ("Александрыя збірае сяброў"), якое пройдзе 9-10 ліпеня ў аграгарадку Александрыя Шклоўскага раёна. Аб гэтым карэспандэнту БЕЛТА паведаміла намеснік начальніка галоўнага ўпраўлення ідэалагічнай работы, культуры і па справах моладзі Магілёўскага аблвыканкама Алена Баброва.

У гэтым годзе ў час свята ўпершыню будзе працаваць пляцоўка "Прадмесце прысмакаў", у аснову якой пакладзена тэма славянскага братэрства, адзінства вытокаў гістарычнай і культурнай спадчыны. Гандлёвыя рады на пляцоўцы будуць падзелены на тры зоны: беларускую, украінскую і рускую, кожная з якіх будзе аформлена ў нацыянальным стылі.

Прыгатаванне і дэманстрацыя страў будзе праходзіць у рэжыме рэальнага часу. Для гэтага кулінары будуць выкарыстоўваць дэманстрацыйныя патэльні, блінніцы, супніцы, марміты і іншае кейтэрынгавае абсталяванне. "Галоўная задача кожнай з трох кухань - прыгатаванне нацыянальных страў, што паказваюць каларыт і самабытнасць культуры. Так, на беларускай кухні госці змогуць прадэгустраваць бульбяную бабку, дранікі са скваркамі, калдуны, мачанку, верашчаку і іншыя ласункі", - сказала субяседніца.

Руская кухня будзе прадстаўлена блінами і пельменямі, ватрушкамі, расцягаямі, таксама будзе прапаноўвацца курнік, калачы, пернікі і г.д. З украінскіх страў жадаючыя змогуць пакаштаваць сала, варэнікі, дзеруны са скваркамі, пампушкі з часнаком, катлеты па-кіеўску і шмат іншага.

Кожнае святочнае застолле будзе аформлена ў адпаведнасці са звычаямі краіны: традыцыйны посуд, начынне і абрусы. Прыцягваць наведвальнікаў у "Прадмесце прысмакаў" будуць вялікія надзіманыя танцуючыя фігуры. Кожнай палатцы з нацыянальнай кухняй будзе адпавядаць свой брэндзіраваны аэрамен. На галоўнай кулінарнай пляцоўцы свята адбудзецца і прэзентацыя новай кнігі "Каля печы", у якую ўвайшлі рэцэпты традыцыйных страў Магілёўскай вобласці.

Асноўнай культурнай падзеяй свята стане гала-канцэрт "Купальская казка" з удзелам зорак беларускай і замежнай эстрады. Плануюцца паказальныя коннаспартыўныя выступленні, дэманстрацыйныя палёты самалётаў ДТСААФ, работа дзіцячых атракцыёнаў, запальванне купальскіх вогнішчаў, святочны феерверк і лазернае шоу.

Гулянні традыцыйна пройдуць у маляўнічай мясціне на беразе Дняпра, каля моста, які злучае не толькі два населеныя пункты - Александрыю і Копысь, але і дзве вобласці - Магілёўскую і Віцебскую. У мінулым годзе Александрыя сабрала амаль 70 тыс. гасцей. Чакаецца, што ў гэтым годзе прыгожае беларускае свята наведаюць каля 100 тыс. чалавек.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс