Падзеі, факты, анонсы

На адным з самых складаных адрэзкаў ралі-рэйду ў 296 км паміж гарадамі Піска і Сан Хуан Дэ Маркона беларус фінішаваў пятым, адстаўшы ўсяго на 25 мін ад пераможцы аргенцінца Федэрыка Вілагры на Iveco - 3 гадз 56 мін 37 сек. У агульным заліку "Дакара-2018" лідзіруе экіпаж расіяніна Эдуарда Нікалаева на КамАЗе, другое месца ў Федэрыка Вілагры, а на трэцюю пазіцыю дзякуючы стабільнаму выступленню на трох этапах падняўся Аляксей Вішнеўскі на МАЗе, які ўсяго на 52 мін 34 сек адстае ад лідара, што па мерках ралі-рэйду зусім няшмат.

У дзясятцы мацнейшых па выніках трэцяга этапу яшчэ два мазаўскія экіпажы. Маршрут гонкі ў 2018 годзе ўжо прызнаны адным з самых складаных. Пасля двух этапаў на старт трэцяга ў заліку грузавікоў выйшлі толькі 30 экіпажаў з 42, якія стартавалі ў сталіцы Перу Ліме. На спецучастку, які завяршыўся, кіраўнік мазаўскай каманды Сяргей Вязовіч завяз у дзюнах, перавярнуўшы аўтамабіль, але своечасова змог выправіць сітуацыю і фінішаваць шостым. Аварыя адбылася недалёка ад фінішу, МАЗ падскочыў на адным з прыгоркаў і заваліўся на бок. Добра, што да партнёра па камандзе своечасова падаспеў Аляксандр Васілеўскі і дапамог вярнуць грузавік у гонку. Самы вопытны беларускі гоншчык фінішаваў дзясятым.

Чацвёрты этап "Дакара" пройдзе ў наваколлі горада Сан Хуан дэ Маркона.

Беларускія гоншчыкі ўдзельнічаюць у ралі-рэйдзе "Дакар" сёмы раз. Уладальнікам каманды выступае Мінскі аўтазавод, тэхнічным партнёрам - тэлекам-аператар velcom. Асноўная мэта - увайсці ў лік мацнейшых экіпажаў па выніках ралі ў заліку грузавікоў. Марафон у гэтым годзе праходзіць па тэрыторыі трох краін - Перу, Балівіі і Аргенціны. Працягласць толькі скорасных участкаў складае 3,5 тыс. км, прычым большая частка маршруту прыпадае на высакагор'е. Завершыцца гонка 20 студзеня ў аргенцінскай Кордабе.