Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

8 Jan 2019

Гоншчык "МАЗ-СПОРТаўта" Аляксей Вішнеўскі ўвайшоў у топ-10 першага этапу "Дакара-2019"

Гоншчык

8 студзеня, Мінск /Кар. БЕЛТА/. Гоншчык беларускай каманды "МАЗ-СПОРТаўта" Аляксей Вішнеўскі ўвайшоў у дзясятку мацнейшых першага этапу прэстыжнага ралі-рэйду "Дакар-2019", паведамляе карэспандэнт БЕЛТА.

Стартавы этап пасля прадстаўлення каманд у сталіцы Перу складаўся з 330-кіламетровага ўчастка да гарадка Піска. Працягласць спецадрэзка, які ішоў у залік гонкі, была 84 км. У заліку грузавікоў першае месца заняў экіпаж КамАЗа Эдуарда Нікалаева - 1 гадз 09 мін 5 сек. Лепшым з беларусаў стаў Аляксей Вішнеўскі, які ўступіў пераможцу 6 мін 8 сек і стаў дзявятым.

Сярэбраны прызёр мінулага года ў агульным заліку грузавікоў беларус Сяргей Вязовіч завяршыў выступленне 14-м з адставаннем 10 мін 27 сек. Трэці экіпаж "МАЗ-СПОРТаўта", Аляксандра Васілеўскага, заняў 17-ю пазіцыю ў падагульняючым пратаколе.

Другі этап "Дакара-2019" пройдзе паміж гарадамі Піска і Сан Хуан дэ Маркона працягласцю 553 км, спецучастак складзе 324 км.

Марафон "Дакар-2019" праходзіць па тэрыторыі Перу. Ралі-рэйд зойме 11 дзён і завершыцца 17 студзеня. Гоншчыкам давядзецца праехаць каля 5 тыс. км. Большая частка маршруту пралягае праз пясчаныя трасы з дзюнамі і іншымі перашкодамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі