Афіцыйны сайт Рэспублікі Беларусь
Навіны
Выдатныя мясціны Беларусі
Каляндар падзей у Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

2 Jan 2019

Гашэнне маркі ў гонар 100-годдзя БССР адбылося ў Мінску

Гашэнне маркі ў гонар 100-годдзя БССР адбылося ў Мінску

2 студзеня, Мінск /Кар. БЕЛТА/. Цырымонія спецыяльнага гашэння паштовай маркі "100 гадоў БССР" адбылася ў Мінску, перадае карэспандэнт БЕЛТА.

Міністэрства сувязі і інфарматызацыі сёння выпускае паштовую марку ў абарачэнне. Яна друкавалася ў РУП "Бабруйская ўзбуйненная друкарня імя А.Т. Непагодзіна". Дызайн Алены Мядзведзь. Тыраж маркі - 60 тыс.

У цырымоніі гашэння маркі прынялі ўдзел міністр сувязі і інфарматызацыі Канстанцін Шульган і акадэмік-сакратар аддзялення гуманітарных навук і мастацтваў НАН Беларусі Аляксандр Каваленя. "Утварэнне БССР - найважнейшая падзея ў жыцці краіны, якая павінна заставацца ў памяці. Тое, што 100-годдзе БССР занатавана ў выглядзе паштовай маркі, вельмі значна і неабходна", - сказаў Канстанцін Шульган.

"100 гадоў - толькі імгненне ў гісторыі, але за гэты час беларусы паспелі дасягнуць вельмі шмат чаго. Мы, нашы бацькі, дзяды і прадзеды, зрабілі ўсё, каб Беларусь працвітала", - дадаў Александр Каваленя.

1 студзеня 2019 года споўнілася 100 гадоў з дня ўтварэння Беларускай Савецкай Сацыялістычнай Рэспублікі. У гэты дзень быў канчаткова сфарміраваны Часовы рабоча-сялянскі савецкі ўрад Беларусі і абнародаваны яго маніфест. У тэксце маніфеста Беларусь абвяшчалася свабоднай незалежнай сацыялістычнай рэспублікай, замацоўваліся асноўныя палажэнні яе грамадскага і палітычнага ладу. У хуткмі часе Часовы рабоча-сялянскі савецкі ўрад Беларусі і Цэнтральнае бюро КП(б)Б пераехалі са Смаленска ў Мінск.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі