Падзеі, факты, анонсы

Гарнасько заваявала чатыры залатыя ўзнагароды на турніры па мастацкай гімнастыцы ў Дубаі

Фота з архiва

26 кастрычніка, Мінск /Кар. БЕЛТА/. Беларускія грацыі заваявалі больш за дзясятак узнагарод па мастацкай гімнастыцы Solo Cup у Дубаі, паведамілі БЕЛТА ў прэс-службе Беларускай асацыяцыі гімнастыкі.

Чатыры залатыя медалі ўзяла Аліна Гарнасько - лідар нацыянальнай каманды атрымала перамогу ў мнагабор'і, а таксама ў практыкаваннях з абручом, мячом і стужкай. Трэцяй у мнагабор'і стала наша Дар'я Грохатава, у якой да таго ж дзве сярэбраныя ўзнагароды і бронза ў асобных відах. Двойчы на п'едэстал паднімаліся Дар'я Вярэніч, па разе - Дар'я Ткачова і Ганна Каменшчыкава.

У другіх узроставых катэгорыях медалісткамі турніру сталі беларускі Кіра Бабкевіч, Арына Бурдукова, Ксенія Бандарэнка і Вера Канапацкая. Таксама ўдзел у міжнародных спаборніцтвах прымалі гімнасткі з Італіі, Расіі, Румыніі і Балгарыі.

версія для друку

зрабіць стартавай

дабавіць у выбранае