Падзеі, факты, анонсы

Гарнасько перамагла ў мнагабор'і на турніры "Хрустальная ружа" ў Мінску

Аліна Гарнасько. Фота Беларускай асацыяцыі гімнастыкі

27 ліпеня, Мінск /Кар. БЕЛТА/. На міжнародным турніры па мастацкай гімнастыцы "Хрустальная ружа" ў Мінску сталі вядомы пераможцы спаборніцтваў у мнагабор'і, паведамляе карэспандэнт БЕЛТА.

Перамогу ў самым прэстыжным відзе праграмы сярод сеніёрак атрымала лідар нашай нацыянальнай зборнай Аліна Гарнасько, якая ў суме за чатыры практыкаванні набрала 120,150 бала. Серабро заваявала беларуска Настасся Салас (118,800), тройку замкнула Мілена Шчаняцкая з Расіі. Таксама ў васьмёрку лепшых трапілі нашы Дар'я Вярэніч (4-е месца), Ганна Каменшчыкава (5-е), Дар'я Ткачова (6-е) і Дар'я Грохатава (7-е).

У індывідуальным мнагабор'і ў юніёрак з рэзультатам 104,770 бала перамагла беларуска Кіра Бабкевіч, кампанію ёй на подыуме склалі расіянкі Ніколь Дыяс і Караліна Тарасава. Сярод прэ-юніёрак золата выйграла наша Ксенія Бандарэнка, бронзу ўзяла яе суайчынніца Вера Канапацкая. Таксама Бандарэнка стала лепшай па выніках кампазіцый з абручом і мячом.

У групавых практыкаваннях сярод сеніёрак першынствавала нацыянальная каманда Беларусі ў складзе Паліны Аляксандравай, Кір'яны Шаўцовай, Эміліі Вячорка, Таісіі Ярчак, Валерыі Мальковіч і Ганны Шакун. Другое месца заняла шасцёрка з РЦАП па мастацкай гімнастыцы. У юніёрак роўных не было прадстаўніцам расійскай "Нябеснай грацыі", серабро - у каманды Беларусі, трэцімі сталі выхаванкі СДЮШАР БФСТ "Дынама".

27 ліпеня ў сталічным Палацы мастацкай гімнастыкі грацыі вызначаць прызёраў у асобных відах. З 10.00 да апоўдня на дыване адбудуцца фіналы ў групавых практыкаваннях, у 13:00 стартуюць спаборніцтвы юніёрак, у 15:30 розыгрыш медалёў пачнуць сеніёркі. Усяго ўдзел у міжнародным турніры "Хрустальная ружа" прымаюць каля 400 гімнастак з 15 краін.

версія для друку

зрабіць стартавай

дабавіць у выбранае