Падзеі, факты, анонсы

Гарнасько перамагла ў мнагабор'і на Кубку мацнейшых спартсменаў у Маскве

Фота Беларускай асацыяцыі гімнастыкі

21 жніўня, Мінск /Кар. БЕЛТА/. Аліна Гарнасько стала пераможцай спаборніцтваў у мнагабор'і на Кубку мацнейшых спартсменаў па мастацкай гімнастыцы, які праходзіць у Маскве, паведамляе карэспандэнт БЕЛТА.

Удзел у турніры прымаюць лепшыя грацыі з Беларусі і Расіі. Упэўненую перамогу ў мнагабор'і сярод сеніёрак атрымала Аліна Гарнасько: лідар нашай каманды ў суме за чатыры практыкаванні набрала 121,950 бала, апярэдзіўшы суайчынніцу Дар'ю Вярэніч на шэсць ачкоў. Тройку прызёраў замкнула расіянка Марыя Барысава. Беларуска Дар'я Ткачова стала 7-й, Настасся Салас, Ганна Каменшчыкава, Аліна Рэчкіна і Дар'я Грохатава размясціліся на месцах з 12-га па 15-е.

Акрамя таго, нацыянальная зборная Беларусі заваявала серабро ў мнагабор'і ў групавых практыкаваннях. У гэтым жа відзе праграмы ў малодшай узроставай групе лепшая з нашых каманд стала чацвёртай. У мнагабор'і ў юніёрак мацнейшай з беларусак была Кіра Бабкевіч, якая паказала пяты вынік.

22 жніўня грацыі разыграюць медалі маскоўскага турніру ў асобных відах.

версія для друку

зрабіць стартавай

дабавіць у выбранае