Падзеі, факты, анонсы

Ганна Лукашэнка: асноўныя мерапрыемствы "Марафону адзінства" ў Мінску пачнуцца 20 студзеня

Ганна Лукашэнка

11 студзеня, Ліда /Кар. БЕЛТА/. Асноўныя мерапрыемствы "Марафону адзінства" ў Мінску пачнуцца 20 студзеня. Аб гэтым журналістам расказала кіраўнік рабочай групы па арганізацыі і правядзенні "Марафону адзінства" Ганна Лукашэнка.

"Марафон адзінства" завяршае свой рух па краіне. І фінальныя мерапрыемствы стартуюць у Мінску ўжо на наступным тыдні. Але асноўныя мерапрыемствы пачынаюцца з 20 студзеня", - сказала Ганна Лукашэнка.

Паводле слоў кіраўніка рабочай групы, на працягу ўсяго тыдня будуць праходзіць выставы, "НЕсумныя НЕлекцыі" ў каледжах, будуць арганізаваны і іншыя мерапрыемствы, якія не праводзіліся раней.

"Кожны дзень будзе праходзіць, не лічачы выстаў, каля 12-13 мерапрыемстваў. У тым ліку вячэрнія мерапрыемствы ў незвычайных знакавых месцах. Мы плануем канцэрт Прэзідэнцкага аркестра ў вельмі незвычайным месцы. Крыху пазней мы агучым праграму "Марафону адзінства" ў Мінску і ўжо раскрыем усе сакрэты", - рэзюмавала Ганна Лукашэнка.

версія для друку

зрабіць стартавай

дабавіць у выбранае