Падзеі, факты, анонсы
Галоўныя ўрачыстасці з нагоды Дня яднання Беларусі і Расіі пройдуць у Мінску і Маскве 4 красавіка
31 сакавіка, Масква /Эдуард Півавар - БЕЛТА/. Нягледзячы на тое, што Дзень яднання народаў Беларусі і Расіі адзначаецца 2 красавіка, галоўныя ўрачыстасці з нагоды знамянальнай даты пройдуць у сталіцах дзвюх краін 4 красавіка. Аб гэтым паведаміў сёння на прэс-канферэнцыі дзяржсакратар Саюзнай дзяржавы Рыгор Рапота, перадае карэспандэнт БЕЛТА.
У Мінску і Маскве будуць арганізаваны ўрачыстыя пасяджэнні і святочныя канцэрты, на якія запрошаны прадстаўнікі органаў дзяржкіравання і грамадскасці дзвюх краін.
Рыгор Рапота адзначыў, што Дзень яднання - гэта, перш за ўсё, магчымасць падвесці вынікі, чаго ўдалося дасягнуць за час саюзнага будаўніцтва, якія поспехі, якія засталіся праблемы.
"Саюзная дзяржава - праект, нацэлены на стварэнне, каб жыхарам Беларусі і Расіі было камфортна жыць у суседстве, камфортна знаходзіцца на тэрыторыі адна адной, каб вырашаліся сацыяльныя і эканамічныя пытанні", - заявіў дзяржсакратар.
версія для друку
зрабіць стартавай
дабавіць у выбранае