3 ліпеня, Мінск /Кар. БЕЛТА/. Фотавыстаўка "Беларусь-Японія: 25 гадоў дружбы і супрацоўніцтва" адкрылася сёння ў Токіа ў рамках святочных мерапрыемстваў з нагоды Дня Незалежнасці Беларусі. Аб гэтым паведамілі БЕЛТА ў пасольстве Беларусі ў Японіі.
Фотавыстаўка, падрыхтаваная пасольствам сумесна з БЕЛТА і суайчыннікамі, адлюстроўвае храналогію супрацоўніцтва паміж Беларуссю і Японіяй у 1990-2010-я гады.
Асноўны акцэнт зроблены на развіцці палітычнага дыялогу паміж Мінскам і Токіа, эканамічнага і міжрэгіянальнага супрацоўніцтва, на рэалізацыі сумесных культурных, адукацыйных праектаў, а таксама ўзаемадзеянні па мінімізацыі наступстваў аварый на Чарнобыльскай АЭС і атамнай станцыі "Фукусіма-1".
Электронная версія выстаўкі размешчана на сайце пасольства Беларусі ў Японіі.