Падзеі, факты, анонсы

Экіпаж "МАЗ-СПОРТаўта" Сяргея Вязовіча заняў трэцяе месца на другім этапе "Дакар-2021"

Фота maz.by

4 студзеня, Мінск /Кар. БЕЛТА/. Экіпаж беларускай каманды "МАЗ-СПОРТаўта" пад кіраўніцтвам Сяргея Вязовіча заняў 3-е месца на другім этапе ралі-марафону "Дакар" у заліку грузавікоў, паведамляе карэспандэнт БЕЛТА.

Працягласць другога спецучастка склала 457 км. Сяргей Вязовіч і яго экіпаж пераадолелі дыстанцыю за 4 гадзіны 44 мін. 14 сек. Гэта на 6 мін. 30 сек. павольней, чым пераможца этапу Дзмітрый Сотнікаў з дружыны "КАМАЗ-майстар" (4 гадзіны 37 мін. 44 сек). Другое месца па выніках другога этапу Біша - Вадзі-аль-Давасір заняў аднаклубнік расіяніна Айрат Мардзееў (адставанне +3 мін. 17 сек.).

Яшчэ адзін прадстаўнік Беларусі і каманды "МАЗ-СПОРТаўта" Аляксей Вішнеўскі прайшоў гонку за 4 гадзіны 45 мін. 14 сек., заняўшы 4-ю пазіцыю ў падагульняючым пратаколе этапу.

У агульным заліку сярод грузавікоў лідзіруе Дзмітрый Сотнікаў (8 гадзін 1 мін. 39 сек.), другім ідзе беларус Сяргей Вязовіч (+17 мін. 14 сек.), трэцім - расіянін Антон Шыбалаў з "КАМАЗ-майстар" (+22 мін. 03 сек.). Экіпаж Аляксея Вішнеўскага знаходзіцца ў генеральнай класіфікацыі на 11-й пазіцыі, уступаючы лідарам 1 гадзіну 26 мін. 25 сек.

Шматдзёнка стартуе і фінішуе ў Джыдзе (Саудаўская Аравія). Працягласць маршруту складзе больш за 7,6 тыс. км (у тым ліку 4767 км - спецучасткі). Раней меркавалася, што гонка пройдзе па тэрыторыі суседніх з Саудаўскай Аравіяй краін, але з-за каранціну ад гэтых планаў давялося адмовіцца.

Старты "Дакара-2021" праходзяць штодзень на працягу 14 дзён, за выключэннем аднаго дня адпачынку (9 студзеня). Як запэўніваюць арганізатары, трасы ў параўнанні з мінулагоднімі змянілі канфігурацыю на 80 працэнтаў. Адна з асаблівасцей гэтага года - маршрут бескантактава перадаюць на планшэты ўдзельнікаў напярэдадні старту.

версія для друку

зрабіць стартавай

дабавіць у выбранае