Падзеі, факты, анонсы

Дзмітрый Мінькоў выйграў серабро турніру "Вялікага шлема" па дзюдо

Фота Беларускай федэрацыі дзюдо

19 лютага, Мінск /Кар. БЕЛТА/. Дзюдаіст Дзмітрый Мінькоў стаў сярэбраным прызёрам турніру серыі "Вялікага шлема" ў Тэль-Авіве, паведамілі БЕЛТА ў прэс-службе Беларускай федэрацыі дзюдо.

Ураджэнец Магілёва, які выступае ў вагавой катэгорыі да 66 кг, атрымаў перамогі над ірландцам Натанам Бернсам, Амітам Бабовічам з Ізраіля, узбекам Сардорам Нурылаевым і расійскім атлетам Мурадам Чапанавым. У вырашальным паядынку ён сустрэўся з крыўдзіцелем яшчэ аднаго беларуса Дзмітрыя Шэршаня, іспанцам Альберта Марцінам Гайтэра і вымушаны быў прызнаць перавагу саперніка.

Тым не менш пападанне на п'едэстал турніру ў Тэль-Авіве прынесла Дзмітрыю Мінькову 700 ачкоў у сусветны рэйтынг.

У Тэль-Авіве на татамі выйдуць яшчэ некалькі беларускіх спартсменаў: Вадзім Шока, Мікіта Свірыд, Уладзіслаў Цярпіцкі, Аляксандр Вахавяк і Марына Слуцкая. Завершыцца турнір у Тэль-Авіве 20 лютага. 

Адзначым, што ў кваліфікацыйную сістэму да Гульняў у Токіа таксама ўвайшлі спаборніцтвы ў Ташкенце (5-7 сакавіка), Тбілісі (26-28 сакавіка), Анталіі (1-3 красавіка) і Парыжы (8-9 мая), чэмпіянат Еўропы ў Лісабоне (16-18 красавіка) і чэмпіянат свету ў Будапешце (6-13 чэрвеня).

Алімпійскі турнір па дзюдо ў Токіа пройдзе з 24 па 31 ліпеня.

версія для друку

зрабіць стартавай

дабавіць у выбранае