7 верасня, Мінск /Кар. БЕЛТА/. Дзень горада ў Мінску пройдзе без традыцыйных масавых гулянняў. Такая інфармацыя размешчана ў афіцыйным Telegram-канале Мінскага гарвыканкама, паведамляе БЕЛТА.
Перавага будзе аддадзена лакальным акцыям, выстаўкам і тэматычным урокам.
Такое рашэнне прынята ў сувязі з эпідэміялагічнай сітуацыяй і забеспячэннем бяспекі грамадзян ва ўмовах распаўсюджвання вострых рэспіраторных інфекцый, у тым ліку выкліканых COVID-19, гаворыцца ў паведамленні мясцовых улад.