Падзеі, факты, анонсы

CNN уключыў Мінск у топ прыгожых еўрапейскіх гарадоў без натоўпаў турыстаў

24 ліпеня, Мінск /Кар. БЕЛТА/. Амерыканскі тэлеканал CNN уключыў беларускую сталіцу ў 20-ку самых прыгожых гарадоў Еўропы, якія прывабліваюць у тым ліку адсутнасцю натоўпаў турыстаў. Топ-20 размешчаны на сайце CNN.

У падборцы CNN апынуліся гарады, у якіх падарожнікам, на думку тэлеканала, не давядзецца "змагацца" з чэргамі турыстаў - аматараў сэлфі, як гэта часта бывае ў Парыжы, Амстэрдаме і Венецыі.

Складальнік рэйтынгу запрашае падарожнікаў пахадзіць па прасторнай плошчы Незалежнасці Мінска, затым зазірнуць у музей Вялікай Айчыннай вайны, каб даведацца, як Беларусь пераадольвала нацысцкую акупацыю. Акрамя гэтага, тэлеканал CNN адзначае развітую барную культуру беларускай сталіцы і прапануе турыстам пасля насычанага дня, праведзенага ў прагулках па выдатных мясцінах, прадэгуставаць напіткі ў тутэйшых установах.

Таксама ў рэйтынг еўрапейскіх гарадоў, пакуль не перанасычаных турыстамі, уключылі бельгійскі Антверпен, шведскі Мальмё, швейцарскі Берн, Гаага (Нідэрланды), Вроцлаў (Польшча), Тбілісі (Грузія), Анкара (Турцыя) і інш.

версія для друку

зрабіць стартавай

дабавіць у выбранае