Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Падзеі, факты, анонсы

Падзеі, факты, анонсы

14 Jan 2016

Чайны чэмпіянат пройдзе ў Мінску

14 студзеня, Мінск /Кар. БЕЛТА/. Другі ў Беларусі чайны чэмпіянат "Tea masters cup Belarus" пройдзе ў Мінску 21 лютага, паведамілі БЕЛТА арганізатары мерапрыемства.

У час такога спаборніцтва прафесіяналы і аматары паспаборнічаюць у майстэрстве заварвання чаю, складанні чайнай кампазіцыі. Для наведвальнікаў будуць арганізаваны розныя майстар-класы, дэгустацыі, выстаўкі, гульні і конкурсы. Галоўным прызам для ўдзельнікаў стане паездка на міжнародны чайны чэмпіянат у Рэспубліку Карэя ў чэрвені бягучага года.

Чайны чэмпіянат аб'ядноўвае амаль 10 краін, сярод якіх Расія, Украіна, Літва, Латвія, Грузія, Турцыя, В'етнам, Аўстралія. Беларусь далучылася да гэтага праекта ў 2015 годзе. Тады ў мерапрыемстве прынялі ўдзел 14 чалавек, больш як тысяча чалавек яго наведалі. Пераможцы ўдзельнічалі ў міжнародных спаборніцтвах, якія прайшлі ў Турцыі, заняўшы прызавыя месцы.

Мэта чэмпіянату - распаўсюджванне і развіццё чайнай культуры, павышэнне прафесійнага ўзроўню майстроў, аб'яднанне ігракоў чайнага рынку.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі