26 лютага, Мінск /Кар. БЕЛТА/. Кваліфікацыйныя нарматывы на Гульні ў Токіа выканалі 74 атлеты ў 16 відах спорту. Аб гэтым заявіў сёння міністр спорту і турызму Сяргей Кавальчук на Алімпійскім сходзе, які праходзіў у НАК Беларусі, перадае карэспандэнт БЕЛТА.
"Кваліфікацыйныя нарматывы на Гульні ў Токіа выканалі 74 атлеты ў 16 відах спорту. Адбор на Алімпіяду аднавіўся ў лістападзе 2020 года і ў некаторых відах спорту прадоўжыцца да канца чэрвеня 2021 года. Асноўная задача на гэтым этапе - паспяховае завяршэнне кваліфікацыйнага адбору і фарміраванне канкурэнтнага складу беларускай спартыўнай дэлегацыі. У відах спорту, дзе ліцэнзіі з'яўляюцца не імяннымі, у склад каманды будуць уключаны тыя, у каго будзе смы высокі ўзровень гатоўнасці да Алімпіяды, незалежна ад таго, хто заваяваў ліцэнзіі. Да завяршэння алімпійскага адборачнага перыяду плануецца заваяванне каля 110-120 ліцэнзій", - адзначыў кіраўнік спартыўнай галіны.